İran Prezidenti Pezeşkian müharibəni başa çatdırmağa çağırdı - "Müharibəni bitirməyimiz daha yaxşıdır”

İran Prezidenti Pezeşkian müharibəni başa çatdırmağa çağırdı - "Müharibəni bitirməyimiz daha yaxşıdır”

“Birlikdə olsaq, güclüyük. Parçalanma olarsa, məhv olarıq.”

İran Prezidenti Pezeşkian müharibəni başa çatdırmağa çağırdı - "Müharibəni bitirməyimiz daha yaxşıdır”

İran Prezidenti Məsud Pezeşkian ABŞ ilə müharibənin başa çatdırılmasının vacibliyini bildirib.

Marja xəbər verir ki, İranın ISNA xəbər agentliyinin məlumatına görə, Pezeşkian Tehranda İslam Həkimləri Birliyinin Baş Assambleyasında çıxışı zamanı ABŞ ilə müharibə barədə fikirlərini bölüşüb.

VTB-də minimal faiz dərəcəsi ilə nağd kredit 9.9%-dən

Pezeşkian müharibənin davam etdirilməsinin qaçılmaz məqsəd olmadığını, ölkənin gücünü və əldə etdiyi nailiyyətləri qorumaqla qarşıdurmaya son qoyulmasının vacibliyini vurğulayıb.

“Müharibə nə vaxtsa başa çatmalıdır. Bu gün gücə və nüfuza malik olduğumuz, bütün dünyanın qələbəmizi qəbul etdiyi bir dövrdə müharibəni bitirməyimiz daha yaxşıdır”, – İran Prezidenti bildirib.

Pezeşkian qeyd edib ki, bu mövqe İranın mümkün hücumlar qarşısında geri çəkiləcəyi anlamına gəlmir.

“Zorakılıq və təzyiq qarşısında heç bir halda baş əyməyəcəyik. Son nəfəsimizədək onların qarşısında dayanacaq və sarsıdıcı cavab verəcəyik”, – o deyib.

Razılaşma İran üçün “şərəfli və dəyərli”dir

Pezeşkian ABŞ ilə Pakistanın vasitəçiliyi ilə iyunun 17-də imzalanmış, lakin tərəflər arasındakı fikir ayrılıqları səbəbindən həyata keçirilməmiş razılaşmanı İran baxımından “şərəfli və dəyərli” adlandırıb.

İran Prezidenti bildirib ki, razılaşma Ali Milli Təhlükəsizlik Şurasında “birlik və həmrəylik” şəraitində təsdiqlənib.

“Bu razılaşmada təslimiyyət mənası daşıyan bircə maddə belə tapa bilməzlər. Bütün öhdəliklər qarşı tərəfin üzərinə düşür”, – Pezeşkian vurğulayıb.

O, həmçinin müharibə və danışıqlar proseslərinin bir-birinin alternativi olmadığını qeyd edib. Həzrət Əlinin sülhlə bağlı yanaşmasına istinad edən Pezeşkian əldə edilən razılaşmalara sadiq qalmağın vacibliyini bildirib.

Çıxışının mühüm hissəsində birlik çağırışı edən İran Prezidenti deyib:

“Birlikdə olsaq, güclüyük. Parçalanma olarsa, məhv olarıq.”

Hər gün yeni vakansiyalar - AzVak.az-da

21.08.2026 17:37