Kapital Bank istiqrazlarına investor axını: Tələb təklifi 3 dəfə üstələdi

Kapital Bank istiqrazlarına investor axını: Tələb təklifi 3 dəfə üstələdi

50 milyon manatlıq istiqraza 146 milyon manatlıq sifariş gəldi

Kapital Bank istiqrazlarına investor axını: Tələb təklifi 3 dəfə üstələdi

Ölkənin birinci bankı Kapital Bank tərəfindən fond bazarına təqdim edilən ümumi həcmi 50 milyon manat olan istiqrazların yerləşdirilməsi 5 avqust 2026-cı il tarixində Bakı Fond Birjasında başa çatıb.

Marja.az Banka istinadən xəbər verir ki, Kapital Bank istiqrazlarına həm fiziki, həm də hüquqi şəxslər tərəfindən yüksək maraq göstərilib. Belə ki, abunə yazılışında toplanan sifarişlərin həcmi buraxılış həcmindən 3 dəfəyə yaxın çox olub.

Abunə yazılışına ümumilikdə 330-dan çox investor tərəfindən 146 milyon manatdan çox sifariş verilib. Ümumilikdə, istiqrazların alınması üçün 314 fiziki şəxs tərəfindən 57 milyon manatdan çox sifariş verilib ki, onların da 246 nəfəri Birbank Invest tətbiqi vasitəsilə tam rəqəmsal şəkildə abunə yazılışında iştirak edib.

Kapital Bank istiqrazlarına abunə yazılışı həm Birbank Invest tətbiqi, həm də Kapital Bank/Birbank filialları vasitəsilə həyata keçirilib. Birbank Invest platforması investorlara yerli və xarici maliyyə bazarlarında investisiya əməliyyatlarını tam rəqəmsal şəkildə həyata keçirmək imkanı təqdim edir.

Qeyd edək ki, Kapital Bank istiqrazlarının müddəti 1 il, illik gəlirliliyi isə 10% təşkil edir. Faiz gəlirləri investorlara aylıq ödənilir. Yerləşdirmə üzrə anderrayter “PAŞA Kapital İnvestisiya Şirkəti” QSC-dir.

Kapital Bank istiqrazları vətəndaşlar üçün etibarlı və güvənilir investisiya olmaqla yanaşı, yerli kapital bazarının inkişafına da mühüm töhfədir. Uğurlu yerləşdirmənin davamı olaraq Kapital Bank Azərbaycan kapital bazarında aktiv şəkildə iştirak etməyi və investorlara yeni investisiya məhsulları təklif etməyi hədəfləyir.

Ölkənin birinci bankı Kapital Bank PAŞA Holding-ə daxildir və Azərbaycanda ən böyük filial şəbəkəsi, 116 filialı, 51 şöbəsi və 13 Rəqəmsal Mərkəzi ilə müştərilərin xidmətindədir.

Hər gün yeni vakansiyalar - AzVak.az-da

Kapital Bank Kapital Bank istiqrazları istiqraz buraxılışı istiqrazlara yüksək tələbat Bakı Fond Birjası BFB Kapital Bank investisiya Birbank Invest istiqraz abunə yazılışı Azərbaycanda istiqrazlar korporativ istiqrazlar manatla istiqraz illik gəlirlilik aylıq faiz ödənişi fiziki şəxs investorlar hüquqi şəxs investorlar rəqəmsal investisiya fond bazarı qiymətli kağızlar bazarı yerli kapital bazarı investisiya məhsulları PAŞA Kapital anderrayter istiqraz yerləşdirilməsi etibarlı investisiya Kapital Bank investorları Azərbaycanda investisiya imkanları Birbank tətbiqi PAŞA Holding kapitalbank.az

05.08.2026 16:26