Özbəkistanın smeş-burger (smash-burger) şəbəkəsi “the Burger” Azərbaycan bazarına daxil olur.

Marja.az-ın məlumatına görə, brend Qazaxıstan bazarına çıxdıqdan sonra beynəlxalq inkişafını davam etdirərək 2026-cı ilin avqustunda Bakıda, Zərifə Əliyeva küçəsi, 3 ünvanında ilk restoranını açacaq.

“the Burger” konsepsiyası təzə (dondurulmamış) mal ətindən smeş-burgerlərin hazırlanmasına, xüsusi reseptlə bişirilən brend bulkalarına və müəllif souslarına əsaslanır. Şəbəkə fəaliyyət göstərdiyi bütün ölkələrdə vahid keyfiyyət və hazırlanma standartlarına riayət edir.

Özbəkistanın “the Burger” brendi eyni vaxtda iki yeni xarici bazara daxil olur

Özbəkistanın smeş-burger şəbəkəsi “the Burger” inkişafının yeni mərhələsinə qədəm qoyduğunu açıqlayıb. Brend 2025-ci ildə Qazaxıstan bazarına daxil olduqdan sonra beynəlxalq ekspansiyasını davam etdirərək 2026-cı ilin avqustunda eyni vaxtda Bakı və İstanbulda restoran açacaq.

Bakıdakı restoranın menyusunda Daşkənd və Almatıdakı müştərilərə tanış olan “the Burger”in xüsusi reseptləri tam şəkildə qorunacaq. Bununla yanaşı, menyuya xüsusi bir yenilik də əlavə ediləcək: Azərbaycan auditoriyası üçün ölkənin qastronomik ənənələrindən ilhamlanaraq eksklüziv quzu ətindən burger təqdim olunacaq. Eyni zamanda, menyunun əsas konsepsiyası dəyişməz qalacaq.

Hər gün yeni vakansiyalar - AzVak.az-da

Bütün burgerlər üçün nəzərdə tutulan brend bulkaları bundan sonra da Özbəkistanda şəbəkənin vahid reseptinə ciddi şəkildə uyğun bişirilərək Bakıya gətiriləcək. Bu, fəaliyyət göstərilən ölkədən asılı olmayaraq məhsulun eyni keyfiyyətdə olmasını təmin edən standartın bir hissəsidir.

“Bakı ilə eyni vaxtda, avqust ayında İstanbulda da ‘the Burger’ restoranını açacağıq. Yeni məkan şəbəkənin yeddinci, Türkiyədə isə ilk restoranı olacaq və brendin fəaliyyət coğrafiyasını dörd ölkəyə çatdıracaq. Bu, vahid məhsul, xidmət və keyfiyyət standartlarına malik beynəlxalq restoran şəbəkəsinin yaradılması üzrə uzunmüddətli strategiyamızın həyata keçirilməsində növbəti addımdır”, — deyə “the Burger” şəbəkəsinin baş meneceri Bahodir Erqaşev bildirib.

“the Burger” üçün bu, sadəcə yeni restoranların açılması deyil, Özbəkistanda yaranmış beynəlxalq brendin formalaşdırılması strategiyasının həyata keçirilməsidir. Şirkət iki il ərzində Daşkənddəki bir restorandan bir neçə ölkədə fəaliyyət göstərən şəbəkəyə çevrilib.

“the Burger” layihəsinin əsası 2024-cü ilin mayında Daşkənddə qoyulub. Brendin fəlsəfəsi “Haqiqiy”, yəni “əsl” sözündə ifadə olunur. Bu fəlsəfə məhsulun əsl dadına hörmət prinsipi üzərində qurulub: ədviyyat əlavə edilməyən təzə mal əti, smeş texnologiyası, xüsusi reseptlə hazırlanan bulka və şirkətin öz istehsalı olan brend sousları.

Qeyd: “Smeş” ingiliscə “smash” sözünün Azərbaycan dilində tələffüzə uyğun yazılışıdır. “Əzmək”, “basmaq” mənasını verir. Smeş-burger hazırlanarkən mal ətindən olan küftə çox isti tavaya və ya metal bişirmə səthinə qoyularaq xüsusi alətlə güclü şəkildə basılır. Nəticədə ətin səthində xırtıldayan qızarmış təbəqə yaranır, içərisi isə şirəli qalır. 

“smeş-burgerlər — “yüksək temperaturda basılaraq bişirilən burgerlər” və ya "ət küftəsinin isti səthdə basılaraq bişirildiyi burgerlər”.

İş elanları AzVak.az-da