AzInTelecom 2026-cı ilin ilk yarısında əldə olunan nəticələri açıqlayıb

AzInTelecom 2026-cı ilin ilk yarısında əldə olunan nəticələri açıqlayıb

“SİMA İmza” mobil tətbiqin ümumi endirilmə sayı 7 milyona çatıb. Tətbiqdə qeydiyyatdan keçən istifadəçilərin sayı 4,5 milyon təşkil edib.

AzInTelecom 2026-cı ilin ilk yarısında əldə olunan nəticələri açıqlayıb

(®) AZCON Holding şirkətlərindən olan “AzInTelecom” MMC 2026-cı ilin ilk 6 ayında rəqəmsal xidmətlərlə bağlı əldə edilmiş nəticələri açıqlayıb.

İlk yarımilliyin yekunlarına əsasən, şirkətin bulud xidmətlərindən istifadə edən qurumların sayı 247-yə çatıb. Bunlardan 140-ı özəl sektor nümayəndələridir. Eyni zamanda, dövlət qurumlarının informasiya sistemlərinin vahid və təhlükəsiz infrastrukturda yerləşdirilməsini nəzərdə tutan "Hökumət buludu" layihəsinə miqrasiya edən qurumların sayı 147 olub.

Şirkətin digər əsas məhsulu - SİMA yeni nəsil rəqəmsal imzanın da istifadəsi ilə bağlı müsbət dinamika müşahidə olunub. “SİMA İmza” mobil tətbiqin ümumi endirilmə sayı 7 milyona çatıb. Tətbiqdə qeydiyyatdan keçən istifadəçilərin sayı 4,5 milyon təşkil edib. SİMA həllərindən istifadə edən tərəfdaş qurumların sayı isə 139-a yüksəlib.

Hesabat dövründə ötən il istifadəyə verilmiş Superkompüter Mərkəzi süni intellekt və yüksək hesablama gücü tələb edən layihələr üçün töhfə verməyə davam edib. Hazırda Mərkəzin imkanlarından 6 müxtəlif qurum istifadə edir.

AzInTelecom-a məxsus Mobil Cihazların Qeydiyyatı Sistemi tərəfindən Azərbaycana gətirilən mobil cihazların saxta IMEI kodlarla qeydiyyatdan keçirilməsinə qarşı mübarizə tədbirləri davam etdirilib. Görülən tədbirlər çərçivəsində “klon” statusu verilmiş IMEI kodların sayı 73 056-a çatıb.

“AzInTelecom” MMC bundan sonra da ölkədə rəqəmsal transformasiyanın sürətləndirilməsi, müasir texnoloji həllərin əlçatanlığının genişləndirilməsi və təhlükəsiz rəqəmsal ekosistemin inkişafı istiqamətində fəaliyyətini davam etdirəcək.

İş elanları AzVak.az-da

AzInTelecom AZCON Holding rəqəmsal xidmətlər rəqəmsal transformasiya bulud xidmətləri Hökumət buludu dövlət qurumlarının rəqəmsallaşması bulud infrastrukturu təhlükəsiz rəqəmsal infrastruktur SİMA İmza rəqəmsal imza elektron imza SİMA mobil tətbiqi SİMA tərəfdaşları Superkompüter Mərkəzi süni intellekt yüksək hesablama gücü texnoloji həllər Mobil Cihazların Qeydiyyatı Sistemi IMEI qeydiyyatı saxta IMEI kodları klon IMEI mobil cihazların qeydiyyatı kibertəhlükəsizlik rəqəmsal ekosistem Azərbaycan texnologiya sektoru

31.07.2026 14:08