AZZA regionlarda genişlənir – Daha 4 bölgədə mağazası açılacaq

AZZA regionlarda genişlənir – Daha 4 bölgədə mağazası açılacaq

AZZA regionlarda genişlənir – Daha 4 bölgədə mağazası açılacaq

Azərbaycanın aparıcı şirniyyat və qastronomiya şəbəkələrindən biri olan AZZA son dövrlərdə inkişaf strategiyasında diqqəti regionlara yönəldib. Əgər əvvəlki illərdə şirkətin yeni filiallarının böyük hissəsi Bakı və Abşeron ərazisində açılırdısa, indi şəbəkənin genişlənməsi ölkənin müxtəlif şəhərlərini və rayonlarını əhatə etməyə başlayıb.

Marja.az xəbər verir ki, Şirkət Yevlax şəhərində 128-ci, Göyçayda 129-cu mağazasını istifadəyə verib. AZZA bildirib ki, məqsəd müştərilərə daha yaxın olmaq və bölgələrdə xidmət şəbəkəsini genişləndirməkdir.

Diqqət çəkən məqamlardan biri odur ki, AZZA son aylarda yalnız paytaxtda deyil, regionlarda da investisiya tempini artırır. Şirkətin artıq Bakı ilə yanaşı Gəncə, Mingəçevir, Sumqayıt, Yevlax və Göyçayda mağazası fəaliyyət göstərir və regionlarda fəaliyyət daha da genişləndirilir.

AZZA Şəki, Qazax, Ağdaş və Kürdəmirdə də mağazasını istifadəyə verməyə hazırlaşır.

İş elanları AzVak.az-da

Qeyd edək ki, bu ilin əvvəlində AZZA Bakının Xətai rayonu ərazisində sayca 119-cu mağazasını istifadəyə vermişdi. Sonrakı aylarda isə şəbəkənin filial sayı 129-a çatdırılıb ki, bu da şirkətin qısa müddətdə ardıcıl genişlənməsini göstərir.

AZZA-nın inkişaf strategiyasında müşahidə olunan dəyişiklik pərakəndə ticarət sektorunda yeni tendensiyanı əks etdirir. Bölgələrdə alıcılıq qabiliyyətinin artması, logistika imkanlarının genişlənməsi və keyfiyyətli qida məhsullarına tələbin yüksəlməsi iri pərakəndə şəbəkələri paytaxtdan kənara çıxmağa təşviq edir.

Hər gün yeni vakansiyalar - AzVak.az-da

AZZA AZZA Gastronom AZZA yeni mağaza AZZA Yevlax Yevlax AZZA AZZA 128-ci mağaza AZZA Kürdəmir AZZA satıcı vakansiyası regionlarda mağaza açılışı pərakəndə satış şirniyyat mağazaları Azərbaycan pərakəndə sektoru yeni filial yeni iş yerləri AZZA genişlənməsi regionlara investisiya

30.07.2026 18:04