“EMBAFİNANS” 13 faizlə 4 milyon manat borclanır

“EMBAFİNANS” 13 faizlə 4 milyon manat borclanır

“EMBAFİNANS” 13 faizlə 4 milyon manat borclanır

BOKT “EMBAFİNANS” QSC istiqraz buraxılışı vasitəsilə kapital bazarından 4 milyon manat cəlb etməyə hazırlaşır.

Marja.az Bakı Fond Birjasına (BFB) istinadən xəbər verir ki, istiqrazların yerləşdirilməsi üzrə hərrac 30 iyul 2026-cı il tarixində keçiriləcək.

Buraxılış çərçivəsində hər birinin ilkin ticarət qiyməti 100 manat olan 40 min ədəd istiqraz investorlara təklif ediləcək. Qiymətli kağızların ümumi buraxılış həcmi 4 milyon manat təşkil edir.

İstiqrazlar üzrə illik gəlirlilik dərəcəsi 13% müəyyənləşdirilib. Faiz gəlirləri istiqrazların ilk yerləşdirildiyi tarixdən etibarən hər üç təqvim ayından bir ödəniləcək. Hesablamada bir ay 30 gün kimi qəbul ediləcək.

Qiymətli kağızların tədavül müddəti 12 aydır. Buraxılış tam həcmdə yerləşdirilərsə, “EMBAFİNANS”ın investorlar qarşısında illik faiz ödənişlərinin ümumi məbləği 520 min manat təşkil edəcək. Bu isə hər bir istiqraz üzrə il ərzində 13 manat, hər rüb üzrə isə 3 manat 25 qəpik gəlir deməkdir.

İstiqrazlar faizli, təmin edilməmiş, sənədsiz və adlı qiymətli kağızlardır. Bu o deməkdir ki, buraxılış üzrə öhdəlik ayrıca girov və ya zəmanətlə təmin olunmur.

Qiymətli kağızların yerləşdirilməsi kütləvi təklif üsulu ilə birqiymətli hərrac vasitəsilə həyata keçiriləcək. Buraxılışın anderrayteri “Unicapital İnvestisiya Şirkəti” ASC-dir.

Bakı Fond Birjasının Listinq Komitəsi 17 iyul 2026-cı il tarixli qərarı ilə “EMBAFİNANS”ın AZ2016020607 dövlət qeydiyyat nömrəli istiqrazlarının ticarətə buraxılmasına icazə verib.

İş elanları AzVak.az-da

EMBAFİNANS EMBAFİNANS istiqrazları BOKT EMBAFİNANS EMBAFİNANS istiqraz buraxılışı Bakı Fond Birjası BFB istiqraz hərracı korporativ istiqrazlar investisiya qiymətli kağızlar kapital bazarı faizli istiqraz adlı istiqraz təmin edilməmiş istiqraz istiqraz gəlirliliyi istiqrazlara investisiya kupon ödənişi kütləvi təklif birqiymətli hərrac Unicapital İnvestisiya Şirkəti istiqraz yerləşdirilməsi maliyyə bazarı investisiya gəliri borc qiymətli kağızları

27.07.2026 11:42