Norm “4Sİ Akademiyası – Milli Proqram”ın yeni mərhələsinin tərəfdaşıdır

Norm “4Sİ Akademiyası – Milli Proqram”ın yeni mərhələsinin tərəfdaşıdır

Norm “4Sİ Akademiyası – Milli Proqram”ın yeni mərhələsinin tərəfdaşıdır

“Norm” ASC İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi (4SİM) və Elm və Təhsil Nazirliyinin tabeliyində Elm və Ali Təhsil üzrə Dövlət Agentliyi tərəfindən ABŞ-nin “Coursera” şirkəti ilə birgə həyata keçirilən “4Sİ Akademiyası – Milli Proqram”ın yeni mərhələsinə tərəfdaş olaraq qoşulub.

Şirkət korporativ sosial məsuliyyət strategiyası çərçivəsində bu təşəbbüsə qoşulmaqla, ölkəmizdə təhsilin inkişafına, insan kapitalının gücləndirilməsinə, rəqəmsal bacarıqların artırılmasına və gələcəyin peşələrinin tələblərinə uyğun səriştələrin formalaşdırılmasına dəstəyini ifadə edib.

VTB-də minimal faiz dərəcəsi ilə nağd kredit 9.9%-dən

Proqram çərçivəsində Azərbaycan vətəndaşlarına 21 000 ödənişsiz onlayn təlim imkanı təqdim olunur. Təlimlər dünyanın 375-dən çox nüfuzlu universiteti və texnologiya şirkəti tərəfindən hazırlanıb. Bu tərəfdaşlar sırasında Stanford, Oksford, Yel, Dyuk, Miçiqan və London universitetləri ilə yanaşı, “Google”, IBM, “Microsoft”, “Meta”, “Amazon Web Services” və “DeepLearning.AI” kimi qlobal texnologiya liderləri də yer alır.

Qeyd edək ki, dayanıqlı inkişaf məqsədlərinə müvafiq olaraq, cəmiyyət üçün uzunmüddətli dəyər yaradan layihələrin həyata keçirilməsi və dəstəklənməsi Norm-un korporativ sosial məsuliyyət strategiyasının əsas istiqamətlərindən biridir. Şirkət məsuliyyətli biznes prinsiplərinə sadiq qalaraq, ölkənin sosial-iqtisadi inkişafına xidmət edən təşəbbüslərə xüsusi önəm verir. Bu çərçivədə, müxtəlif təhsilyönümlü layihələrdə iştirak edərək, gələcək ixtisaslı kadr potensialının formalaşmasına, gənclərin bilik və bacarıqlarının inkişafına, rəqəmsal səriştələrinin artırılmasına və onların dəyişən əmək bazarının tələblərinə uyğunlaşmasına dəstək göstərir.

“Norm” ASC 10-dan çox ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupu olan NEQSOL Holding-in tərkibinə daxildir.

Norm ASC 4Sİ Akademiyası Milli Proqram 4SİM Coursera Elm və Ali Təhsil üzrə Dövlət Agentliyi onlayn təlim ödənişsiz təhsil rəqəmsal bacarıqlar insan kapitalı gələcəyin peşələri peşəkar inkişaf korporativ sosial məsuliyyət dayanıqlı inkişaf təhsil layihələri əmək bazarı gənclərin inkişafı Stanford Universiteti Oksford Universiteti Yel Universiteti Google IBM Microsoft Meta Amazon Web Services DeepLearning.AI NEQSOL Holding Azərbaycan iqtisadiyyatı texnologiya təhsili rəqəmsal səriştələr ixtisaslı kadrlar

23.07.2026 11:59