ABŞ-İran gərginliyi artır
ABŞ ilə İran arasında qarşılıqlı hücumlar davam edir. ABŞ İrana qarşı yeni hava zərbələri endirib, İran isə bəzi nöqtələrə cavab hücumları həyata keçirib.
ABŞ ilə İran arasında qarşılıqlı hücumların intensivləşdiyi bir vaxtda ABŞ ordusu İran ərazisinə yeni hava zərbələri endirib.
Marja xəbər verir ki, ABŞ Mərkəzi Komandanlığı (CENTCOM) ardıcıl doqquzuncu gecə həyata keçirilən əməliyyatlar zamanı İranın komanda mərkəzlərinin, dəniz qüvvələrinə aid obyektlərin, raket və pilotsuz uçuş aparatlarının buraxılış məntəqələrinin, eləcə də rabitə şəbəkələrinin hədəfə alındığını açıqlayıb.
CENTCOM bildirib ki, hücumların məqsədi İranın Hörmüz boğazından keçən kommersiya gəmilərinə hücum imkanlarını daha da zəiflətməkdir.
ABŞ ordusunun məlumatına görə, şənbə günü Şimali İraqda partlamamış İran istehsalı pilotsuz uçuş aparatının məhv edilməsi zamanı bir hərbçi həlak olub, digəri isə yaralanıb.
Cümə günü İordaniyada İran İslam İnqilabı Keşikçiləri Korpusunun həyata keçirdiyi bildirilən hücum nəticəsində iki ABŞ hərbçisi həlak olmuş, dörd hərbçi yaralanmış, daha bir hərbçi isə itkin düşmüşdü.
Son itki ilə fevralın 28-də ABŞ və İsrailin İrana qarşı başladığı müharibədə həlak olan amerikalı hərbçilərin sayı 17-yə çatıb.
Hərbi obyektlərlə yanaşı, mülki infrastruktur da hədəfə alınır
ABŞ Prezidenti Donald Tramp bazar günü verdiyi açıqlamada həlak olan hərbçilərin “İranın nüvə silahına sahib olmaması üçün mübarizə apardıqlarını” deyib.
Tramp İrana qarşı son zərbələrin də həlak olan hərbçilərin xatirəsinə həsr edildiyini bildirərək deyib:
“Bu gecə İranı yenidən çox sərt vurduq və bunu onların şərəfinə etdik”.
Tərəflər arasında bir həftədir davam edən qarşılıqlı hücumlar artıq yalnız hərbi obyektlərlə məhdudlaşmır. Zərbələr körpüləri, infrastruktur obyektlərini və limanları da əhatə edir. Bu vəziyyət ötən ay imzalanmış kövrək atəşkəsə qayıdış ehtimalını daha da azaldır.
İranın xarici işlər naziri Abbas Əraqçi bazar günü verdiyi açıqlamada ölkənin nüvə proqramı ilə bağlı bəzi tələblərin “həll olunmadan qala biləcəyini” bildirib.
“Bloomberg Economics”in analitikləri Dina Esfandiari və Bekka Vasser tərəflərin getdikcə dərinləşən münaqişə spiralına düşdüklərini bildiriblər. Onlar qarşıdakı günlərdə daha çox qarşılıqlı hücumun həyata keçiriləcəyini və neft qiymətlərinin daha da yüksələcəyini gözləyirlər.
Analitiklərin fikrincə, münaqişə dərinləşdikcə həm İran, həm də ABŞ üçün geri addım atmaq daha çətin olacaq.
ABŞ-ın dövlət katibi Marko Rubio isə İranın danışıqlar aparmaq istədiyinə dair mesajlar verməyə davam etdiyini, lakin ABŞ-nin raket və pilotsuz uçuş aparatları ilə həyata keçirilən hücumlara hərbi cavab verməyi də davam etdirdiyini bildirib.
Rubio Tehran rəhbərliyində razılaşmanın tərəfdarı olan daha praqmatik şəxslərlə münaqişəni davam etdirmək istəyən sərt xətt tərəfdarları arasında fikir ayrılıqlarının olduğunu deyib. O, ABŞ-nin Hörmüz boğazında kommersiya gəmilərinə qarşı hücumlarda istifadə olunan İran hərbi qüvvələrini hədəfə aldığını vurğulayıb.
“İran beynəlxalq su yoluna nəzarət etməkdə israr etdiyi müddətdə buna cavab vermək məcburiyyətindəyik”, – Rubio bildirib.
Müştərilərin xəbərləri
SON XƏBƏRLƏR
- 1 ay sonra
- 3 həftə sonra
-
1 həftə sonra
“Sizin Lombard”ın “36% Qızıl payız” kampaniyası davam edir ®
-
-
1 gün sonra
ABB Invest ilə “Prior Leasing” istiqrazlarından illik 15% gəlir fürsəti ®
- 11 d. əvvəl
-
31 d. əvvəl
Özünüzə kredit qadağası qoymusunuz, amma adınıza onlayn kredit verilib? – Borcu kim ödəyəcək?
- 43 d. əvvəl
-
58 d. əvvəl
Intel investorları aldatmaqda ittiham olunur – Şirkətə qarşı kollektiv məhkəmə iddiası qaldırılıb
-
14 saat əvvəl
Azərbaycan aviaşirkəti yarım ili 205 milyon manat xalis mənfəətlə başa vurub
-
14 saat əvvəl
“Legion Financial” kütləvi təkliflə istiqraz buraxılışını müzakirə edəcək
-
14 saat əvvəl
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
-
14 saat əvvəl
Kreml: Çində Putin və Tramp arasında ikitərəfli görüş üzərində iş gedir
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Özünüzə kredit qadağası qoymusunuz, amma adınıza onlayn kredit verilib? – Borcu kim ödəyəcək?
Intel investorları aldatmaqda ittiham olunur – Şirkətə qarşı kollektiv məhkəmə iddiası qaldırılıb
Ən çox oxunanlar
Avropanın bank sektorunda nəhəng satınalmaya yaşıl işıq – 45 milyard avroluq əməliyyat
Bakıda bal yarmarkasının tarixi və yeri dəyişdirilib
Manat əmanətlərinin faiz gəlirinə vergi - 18 aylıq manat əmanətlərində vergi güzəşti bitir
Ədliyyə işçilərinə özəl – 3% ENDİRİMLİ, KOMİSSİYASIZ KREDİT ®
96 yaşlı milyarderdən böyük qərar – 5,5 milyard dollarını ianə etdi

























