Rəqəmsal səyyahlara güzəştlər olacaq

Rəqəmsal səyyahlara güzəştlər olacaq

Rəqəmsal səyyahlara vergi güzəştləri olacaq.

Bu, Milli Məclisin bu gün keçirilən iclasında müzakirəyə çıxarılan “Valyuta tənzimi haqqında” qanuna, “Banklar haqqında” qanuna və Vergi Məcəlləsinə təklif edilən dəyişikliklərdə əksini tapıb.

Rəqəmsal səyyah rəqəmsal texnologiyalar, süni intellekt texnologiyaları, kibertəhlükəsizlik və innovasiya sahəsində fəaliyyətini informasiya və kommunikasiya texnologiyaları vasitəsilə distant həyata keçirməklə, gəlirini xarici mənbələrdən əldə edən əcnəbi və ya vətəndaşlığı olmayan şəxsdir.

“Valyuta tənzimi haqqında” qanuna təklif edilən dəyişikliyə əsasən, rəqəmsal səyyahlar tərəfindən xarici mənbələrdən əldə olunan xarici valyuta vəsaitlərinin (vergi öhdəliklərinin icrası şərtilə) müvəkkil banklardakı hesablarına mədaxili və Azərbaycan Respublikasından köçürülməsi zamanı valyuta tənzimi məqsədləri üçün məbləğ məhdudiyyəti tətbiq edilməyəcək.

“Banklar haqqında” qanuna təklif edilən dəyişikliyə görə, rəqəmsal səyyahlara müvəkkil banklarda hesablar yalnız şəxsiyyəti təsdiq edən sənəd və imza nümunəsi vərəqəsi əsasında açılacaq.

Vergi Məcəlləsinə təklif edilən dəyişikliyə əsasən, rəqəmsal səyyahın xarici qeyri-rezident müəssisə ilə (və ya sahibkarla) bağladığı əmək və ya mülki-hüquqi müqavilələr əsasında Azərbaycan Respublikasının ərazisində həyata keçirdiyi fəaliyyəti həmin qeyri-rezidentin Azərbaycan Respublikasında daimi nümayəndəliyi hesab olunmur.

Rəqəmsal səyyahın Azərbaycan Respublikasının hüdudlarından kənarda yerləşən və ya qeydiyyatda olan qeyri-rezident şəxslərlə bağlanmış əmək müqaviləsi və ya mülki-hüquqi müqavilə çərçivəsində əldə etdikləri, habelə Azərbaycan Respublikası mənbəyindən olmayan gəlirləri (gəliri ödəyən qeyri-rezident şəxsin həmin şəxslə qarşılıqlı surətdə asılı olan şəxs olmaması, gəliri ödəyən qeyri-rezident şəxsin benefisiar mülkiyyətçiləri arasında Azərbaycan Respublikasının rezidentlərinin üstünlük təşkil etməməsi və güzəştli vergi tutulan ölkələrdə (ərazilərdə) qeydiyyatda olan şəxs olmaması şərtilə) rəqəmsal səyyah statusunun qüvvədə olduğu müddətdən etibarən 20 (iyirmi) il müddətinə gəlir vergisindən azad olunacaq.

Qanun layihəsi səsverməyə çıxarılaraq birinci oxunuşda qəbul edilib.

Hər gün yeni vakansiyalar - AzVak.az-da

rəqəmsal səyyah rəqəmsal səyyahlar digital nomad Azərbaycanda digital nomad rəqəmsal səyyahlara vergi güzəşti vergi güzəştləri gəlir vergisindən azadolma 20 il vergi güzəşti Vergi Məcəlləsi Valyuta tənzimi haqqında qanun Banklar haqqında qanun Milli Məclis qanun layihəsi birinci oxunuş əcnəbilər üçün vergi güzəşti vətəndaşlığı olmayan şəxslər xarici gəlirlər xarici mənbələrdən gəlir distant iş remote work İKT sahəsi süni intellekt kibertəhlükəsizlik innovasiya rəqəmsal texnologiyalar xarici valyuta köçürmələri valyuta məhdudiyyəti bank hesabı açılması müvəkkil banklar qeyri-rezident müəssisə qeyri-rezident sahibkar əmək müqaviləsi mülki-hüquqi müqavilə daimi nümayəndəlik Azərbaycan vergi sistemi investisiya mühiti startap ekosistemi texnologiya mütəxəssisləri freelancerlər üçün güzəşt xaricdən gəlir əldə edənlər Azərbaycan iqtisadiyyatı vergi qanunvericiliyi Marja xəbərləri

07.07.2026 13:16