Yeni tekstil müəssisəsi istifadəyə verilib, 100-ə yaxın daimi iş yeri yaradılıb

Yeni tekstil müəssisəsi istifadəyə verilib, 100-ə yaxın daimi iş yeri yaradılıb

Yeni tekstil müəssisəsi istifadəyə verilib, 100-ə yaxın daimi iş yeri yaradılıb

İyunun 30-da Naxçıvan şəhərində “GB GROUP” MMC-nin yeni tekstil istehsalı müəssisəsinin açılış mərasimi keçirilib.

Açılış mərasimində Naxçıvan Muxtar Respublikasının iqtisadiyyat naziri Kazım Hüseynəliyev, əmək və əhalinin sosial müdafiəsi naziri Fərid Bağırzadə, Türkiyənin Naxçıvandakı Baş konsulu Asip Kaya, eləcə də dövlət qurumlarının nümayəndələri və muxtar respublikada fəaliyyət göstərən sahibkarlar iştirak ediblər.

Çıxışlarda, tekstil sənayesinin qadın məşğulluğunun artırılmasında mühüm rol oynadığı, layihədə Türkiyədən olan investorun iştirakının Naxçıvanın xarici investisiyalar üçün cəlbedici məkan olduğunu bir daha təsdiqlədiyi qeyd edilib və müəssisənin kollektivinə gələcək fəaliyyətlərində uğurlar arzulanıb.

Məlumat verilib ki, 2025-ci ilin dekabr ayında verilmiş investisiya təşviqi sənədi çərçivəsində müəssisəyə 4 təsdiqedici sənəd təqdim olunub. Bunun hesabına Çin və Türkiyədən müasir istehsal avadanlıqları, xammal və materiallar ƏDV və gömrük rüsumlarından azad şəkildə idxal edilib.

Müəssisədə ilkin mərhələdə 100-ə yaxın daimi iş yeri yaradılıb. Burada istehsal olunacaq tekstil məhsullarının ölkədaxili bazarda satışı ilə yanaşı, xarici bazarlara da ixrac olunması nəzərdə tutulur. Gələcəkdə isə istehsal həcminin artırılması, məhsul çeşidinin genişləndirilməsi, ixrac imkanlarının inkişaf etdirilməsi və yeni iş yerlərinin yaradılması planlaşdırılır.

GB GROUP MMC GB GROUP tekstil müəssisəsi Naxçıvanda yeni tekstil müəssisəsi Naxçıvan tekstil istehsalı Naxçıvan sənaye müəssisəsi tekstil sənayesi tekstil istehsalı Naxçıvanda istehsal müəssisəsi yeni istehsal müəssisəsi Naxçıvanda investisiya investisiya təşviqi sənədi xarici investisiya Türkiyə investoru Türkiyəli investor Naxçıvan iqtisadiyyatı Kazım Hüseynəliyev Fərid Bağırzadə Asip Kaya Türkiyənin Naxçıvandakı Baş konsulu qadın məşğulluğu qadınların məşğulluğu yeni iş yerləri 100-ə yaxın daimi iş yeri Naxçıvanda iş yerləri Çin istehsal avadanlıqları Türkiyə istehsal avadanlıqları ƏDV-dən azad idxal gömrük rüsumlarından azad idxal tekstil məhsulları yerli istehsal

30.06.2026 19:45