17-20 iyun tarixlərində Kiçik və Orta Biznesin İnkişafı Agentliyi (KOBİA) və “Marsol Group”un birgə təşkilatçılığı, "Birbank Biznes"in rəsmi tərəfdaşlığı ilə 7-ci dəfə “Yerli şirkətlərin tanıtım sərgisi” baş tutacaq.

“Bakı Ekspo Mərkəzi”ndə keçiriləcək sərgidə inşaat, qida, İKT, təhsil, sənaye, kənd təsərrüfatı, logistika, tekstil və digər sahələrdə fəaliyyət göstərən 300-dən çox yerli şirkət öz məhsul və xidmətlərini nümayiş edəcək.

Sərginin əsas məqsədi Azərbaycan şirkətlərinin fəaliyyətini geniş auditoriyaya tanıtmaq, onların yeni bazarlara çıxışına dəstək olmaq və şirkətlər arasında qarşılıqlı faydalı əməkdaşlığı inkişaf etdirməkdir.

Dörd gün davam edəcək sərgi çərçivəsində həmçinin, iştirakçılar üçün xüsusi ayrılmış “B2B zona”da iri şirkətlərin satınalma və təchizat üzrə rəhbər şəxsləri ilə qarşılıqlı və interaktiv işgüzar görüşlərin keçirilməsi nəzərdə tutulur. Bununla yanaşı, sərgidə “B2G zona” da fəaliyyət göstərəcək. Bu zonada sahibkarlar dövlət qurumlarının nümayəndələri ilə birbaşa ünsiyyət qurmaq, mövcud dəstək mexanizmləri ilə tanış olmaq və əməkdaşlıq imkanlarını müzakirə etmək imkanı əldə edəcəklər.

İş adamları Cəmiyyətinin Milli Assosiasiyası (İCMA), Dövlət Məşğulluq Agentliyi, Azərbaycan Biznesinin İnkişafı Fondu və  Azərbaycan Dövlət Reklam Agentliyi sərginin tərəfdaşları sırasındadır.

Sərgidə ziyarətçi qismində iştirak ödənişsizdir. Həmçinin ziyarətçilər üçün pulsuz avtobus xidməti təşkil olunacaq (Koroğlu Metro Stansiyası, Heydər Əliyev prospekti, "Alov" parkı çıxışı). Avtobusların üzərində sərginin adı qeyd olunacaq.

Baş sponsor: Firavan Park

Sponsor: VIDAL Private Industrial Zone

Təşkilati dəstək: MG Transport, 2K HEDEF

Qeydiyyat sponsoru: Tonuby Group

B2B & B2G zona sponsoru: N-Advert

Promo tərəfdaş: Moon Group

Media Tərəfdaşı: BHB Strategic and Creative CO

Könüllü dəstəyi: UNEC, Tələbə Həmkarlar İttifaqı Komitəsi

Sərgidə ziyarətçi qismində iştirak ödənişsizdir. Ziyarətçi qeydiyyatı üçün: bit.ly/42gk9HP

Ətraflı məlumat üçün: marsolexpo.az və *0555

İş elanları AzVak.az-da