Qızılın qiyməti son 6 ayın ən aşağı səviyyəsinə düşüb

Qızılın qiyməti son 6 ayın ən aşağı səviyyəsinə düşüb

Qızıl İranla bağlı gərginliyin artması və Fed-in faiz narahatlıqları fonunda 6 aylıq minimumdan yüksəlib

Qızılın qiyməti son 6 ayın ən aşağı səviyyəsinə düşüb

Qızılın qiyməti son 6 aydan çox müddətin ən aşağı səviyyəsinə düşüb. Marja xəbər verir ki, investorlar Yaxın Şərqdə gərginliyin artmasını və ABŞ Federal Ehtiyat Sisteminin (FED) bu ilin sonlarında faiz dərəcələrini artıra biləcəyi ilə bağlı güclənən gözləntiləri qiymətləndirirlər.

MArja xəbər verir ki, qızılın qiyməti 4023,96 ABŞ dollarınadək geriləmişdir ki, bu da noyabrın sonundan bəri ən aşağı göstəricidir.

Bakı vaxtı ilə saat 11:40-a olan məlumata görə, dünya bazarlarında 1 unsiya qızılı 4100 dollara ticarət olunub.

Qiymətli metal əvvəlki sessiyada 4%-dən çox ucuzlaşmışdır.

ABŞ gecə saatlarında İrana qarşı yeni zərbələr endirib. Bu addım qlobal maliyyə bazarlarında narahatlıq yaradan və neft qiymətlərinin kəskin bahalaşmasına səbəb olan münaqişəni daha da gərginləşdirib.

İran cavab olaraq Küveyt və Bəhreyndəki ABŞ hərbi aviabazalarını hədəfə alıb və qlobal enerji daşımaları üçün əsas marşrutlardan biri olan Hörmüz boğazından bütün gəmi hərəkətinin dayandırıldığını elan edib.

ING analitikləri bildiriblər: “Geosiyasi qeyri-müəyyənlik və mərkəzi bankların alışları uzunmüddətli dövrdə qızıla dəstək verməkdə davam etsə də, yaxın müddətdə qızılın qiymətinin istiqaməti böyük ölçüdə ABŞ iqtisadi göstəricilərindən, neft qiymətlərindən, xəzinə istiqrazlarının gəlirliliyindən və Federal Ehtiyat Sisteminin (FED) siyasəti ilə bağlı gözləntilərdən asılı olacaq”.

Çərşənbə günü açıqlanan məlumatlar göstərib ki, ABŞ-da istehlak qiymətləri may ayında illik müqayisədə 4,2% artıb. Bu, son üç ilin ən yüksək artım tempi olub və əsasən enerji xərclərinin bahalaşması ilə izah edilir.

İş elanları AzVak.az-da

11.06.2026 11:40