Lizinq şirkəti "Hermes Finance" ASC səhmdarların ümumi yığıncağının çağırılması barədə məlumat yayyıb.

Marja.az xəbər verir ki, məlumatda deyilir:

1. “Hermes Finance” Açıq Səhmdar Cəmiyyətinin Səhmdarlarının növbədənkənar Ümumi Yığıncağı çağırılsın.

2. “Hermes Finance” Açıq Səhmdar Cəmiyyətinin Səhmdarlarının növbədənkənar Ümumi Yığıncağı 09 iyun 2026-cı il tarixdə saat 10:00 dəqiqədə Cəmiyyətin Bakı şəhəri, Xətai rayonu, 8 Noyabr prospekti ev 36 ünvanında yerləşən inzibati binasının ofisində təyin edilsin.

3. “Hermes Finance” Açıq Səhmdar Cəmiyyətinin Səhmdarlarının 09 iyun 2026-cı il tarixdə saat 10:00 dəqiqədə təyin edilmiş növbədənkənar Ümumi Yığıncağının gündəliyinə daxildir:

3.1. “Hermes Finance” Açıq Səhmdar Cəmiyyətinin tək iştirakçı olmaqla “Hermes Bank Olmayan Kredit Təşkilatı” Məhdud Məsuliyyətli Cəmiyyətinin yaradılması haqqında qərarın qəbul edilməsi və buna dair dövlət qeydiyyatı ilə bağlı müraciət olunması məsələsinə baxılması;

3.2. Yeni yaradılacaq “Hermes Bank Olmayan Kredit Təşkilatı” Məhdud Məsuliyyətli Cəmiyyətinin Nizamnaməsinin layihəsi və həmin layihənin qəbul edilməsi məsələsinə baxılması;

3.3. Yeni yaradılacaq “Hermes Bank Olmayan Kredit Təşkilatı” Məhdud Məsuliyyətli Cəmiyyətinin Nizamnamə kapitalının müəyyən edilməsi və buna dair köçürmənin həyata keçirilməsi;

3.4. Yeni yaradılacaq “Hermes Bank Olmayan Kredit Təşkilatı” Məhdud Məsuliyyətli Cəmiyyətinin icra orqanı, təşkilati strukturu və inzibatçılarının (idarəetmə orqanlarının, Audit Komitəsinin üzvləri, baş mühasib, daxili auditoru) müəyyən edilməsi;

3.5. Yeni yaradılacaq “Hermes Bank Olmayan Kredit Təşkilatı” Məhdud Məsuliyyətli Cəmiyyətinin kommersiya strategiyası, maliyyələşdirmə mənbələri, kredit siyasətinin əsas göstəriciləri, daxili nəzarət sistemi və ilk üç üçün maliyyə proqnozlarını əks etdirilən biznes-plan tərtib edilməsi məsələsinə baxılması.

Hər gün yeni vakansiyalar - AzVak.az-da

Qeyd edək ki, "Hermes Finance" ASC-nin səhmdarları Mehrəliyeva-Rzayeva Nuranə Ramiz qızı (45%), Quliyev Kamran Vaqif oğlu (45%) və Mirzəyev Həmid Mövsüm oğludur (10%).