Azərbaycan Kredit Bürosunun Müşahidə Şurasına yeni sədr seçilib

Azərbaycan Kredit Bürosunun Müşahidə Şurasına yeni sədr seçilib

Azərbaycan Kredit Bürosunun Müşahidə Şurasına yeni sədr seçilib

“Azərbaycan Kredit Bürosu” MMC-nin (AKB) Səhmdarlarının Ümumi Yığıncağının 24 saylı iclasında Müşahidə Şurasının yeni tərkibi təsdiq edilmişdir. Marja xəbər verir ki, Heybət Qədirov Müşahidə Şurasının yeni üzvü və eyni zamanda Müşahidə Şurasının Sədri təyin edilmişdir.

Heybət Qədirov hazırda “Unibank KB” ASC-nin İdarə Heyətinin Sədri vəzifəsini müvəqqəti icra edən vəzifəsində çalışır. O, pərakəndə bankçılıq, biznesin inkişafı və strateji liderlik sahələrində 15 ildən artıq təcrübəyə malikdir. O 2009-cu ildə Azərbaycan Dövlət İqtisad Universitetində Maliyyə və kredit ixtisası üzrə bakalavr, 2012-ci ildə isə həmin universitetdə eyni ixtisas üzrə magistr dərəcəsini almışdır.

Hal-hazırda AKB-nin Müşahidə Şurasının 7 üzvü var və onlar təsisçi bankların rəhbər vəzifəli şəxsləri arasından seçilmişdir. Müşahidə Şurasının Sədri Heybət Qədirov (“Unibank KB” ASC), digər üzvləri isə Zamiq Məmmədov (“Azərbaycan Beynəlxalq Bankı” ASC), Röyam Hüseynzadə (ASC “Xalq” Bankı), Elnur Həsənov (“BankRespublika” ASC), Cavid Mirzəyev (“KapitalBank” ASC), Aydın Hüseynov (“Rabitəbank” ASC) və Seymur Əliyevdir (“ZiraatBank Azərbaycan” ASC).

Xatırladaq ki, AKB fiziki və hüquqi şəxslərə məxsus məlumatları toplayır, təhlil edir və məlumat istifadəçiləri olan hüquqi və fiziki şəxslərə potensial müştərilərini qiymətləndirmək, mövcud müştərilərinin davranışlarını monitorinq etmək və portfelin idarə edilməsi ilə bağlı ən müasir həlləri təqdim etməklə onların risklərini minimallaşdırır. AKB məlumat təchizatçılarından topladığı məlumatları kredit hesabatı formasında tərtib edir, təhlilini aparır və istifadəçilərin sorğusu əsasında təqdim edir. Bununla da maliyyə asimmetriyasını azaltmaqla kredit risklərinin azaldılmasına xidmət edir.

Hər gün yeni vakansiyalar - AzVak.az-da

Azərbaycan Kredit Bürosu AKB Heybət Qədirov Müşahidə Şurası yeni sədr Unibank Zamiq Məmmədov Azərbaycan Beynəlxalq Bankı Xalq Bank Röyam Hüseynzadə Elnur Həsənov Bank Respublika Cavid Mirzəyev Kapital Bank Aydın Hüseynov Rabitəbank Seymur Əliyev Ziraat Bank Azərbaycan kredit bürosu kredit hesabatı kredit risklərinin idarə olunması maliyyə sektoru bank sektoru Azərbaycanda kredit məlumatları

17.04.2026 14:30