“Regional” BOKT MMC 2025-ci ili 215,3 min manat xalis mənfəətlə başa vururb. Bu göstərici 2024-cü ilə nisbətən 12,2 % çoxdur. 2024-cü ildə təşkilatın xalis mənfəəti 191,8 min manat təşkil etmişdi. 

Marja.az BOKT-un maliyyə hesabatına istinadən xəbər verir ki, "Regional" BOKT əsas əməliyyat gəlirləri 2024-cü ildə 1 milyon 88 min manat ikən, 2025-ci ildə 1 milyon 718  min manata yüksəlib (630 min manat və ya 58% artıb). Həmçinin ötən il təşkilat 158 min manat digər gəlirlər də əldə edib. 

Ötən il  "Regional" BOKT-ın cəmi əməliyyat xərcləri 1 milyon 607 min manat təşkil edib (2024-cü ildə 1 milyon 165 min manat). Təşkilat keçən il 269 min manat ümumu mənfəət əldə edib, mənfəətdən 54 min manat mənfəət vergisi ödəyib. 

"Regional" BOKT ötən ilin sonuna 6 milyon 587,8 min manat cəmi aktivlərə malik olub. Bu, illik müqayisədə 1 milyon 945,5 min manat (41,9%) çoxdur (2024-cü il - 4 milyon 642,3 min manat). BOKT-un əsas gəlir mənbəyi - kredit portfeli 799,3 min manat (19,1%) artaraq 4 milyon 975,3 min manata yüksəlib. Yaradılmış ehtiyatlar çıxıldıqdan sonra xalis kredit portfelinin həcmi 4 milyon 833,3 manat təşkil edib.

Öhdəliklər isə 4 milyon 708,6 min manata bərabər olub ki, bu da illik müqayisədə 576,4 min manat (13,9%) çoxdur. 2025-cü ildə "Regional" BOKT qiymətli kağızlar bazarında aktiv iştirakını davam etdirmiş və ilk dəfə olaraq öz istiqrazlarını kütləvi şəkildə Bakı Fond Birjasında baş tutmuş hərrac vasitəsi ilə tam yerləşdirmişdir. Bu maddə üzrə təşkilatın öhdəlikləri 920 min manatdan 1 milyon 895 min manata yüksəlib.

2025-ci ildə mənfəətin artırılması "Regional" BOKT-un kapital mövqeyini də yaxşılaşdırıb. Eyni zamanda il ərzində BOKT-un nizamnamə kapitalı 500,1 min manatdan 1 milyon 600,1 min manata yüksəlmişdir (artım: 2,2 dəfə). 2025-ci ilin yekununa görə "Regional" BOKT-nın balans kapitalının həcmi 3,65 dəfə artaraq 1 milyon 879,2 AZN təşkil etmişdir. 

"Regional" Bank Olmayan Kredit Təşkilatı MMC 2025-ci ilin maliyyə hesabatı (xülasə) Azərbaycan Respublikası Mərkəzi Bankının 01.08.2014-cü il tarixli BK-26 saylı xüsusi lisenziyası ilə fəaliyyət göstərir. Təşkilat öz fəaliyyətini dörd satış nöqtəsi vasitəsi ilə həyata keçirir.