"PAŞA Sığorta"nın maliyyə vəziyyəti açıqlanıb - GƏLİRLƏRİ VƏ MALİYYƏ MƏNFƏƏTİ ARTIB

"PAŞA Sığorta"nın maliyyə vəziyyəti açıqlanıb - GƏLİRLƏRİ VƏ MALİYYƏ MƏNFƏƏTİ ARTIB

"PAŞA Sığorta" ASC 2025-ci ili 39 milyon 331 min manat xalis mənfəət ilə başa vurub. Şirkət 2024-cü ili 42 milyon 31 min manat xalis mənfəət ilə bağlamışdı. Xalis mənfəətin cüzi azalması ödənilən mənfəət vergisi məbləğinin artması ilə əlaqədardır. Ötən il "PAŞA Sığorta" şirkətinin yığımarı, cəmi gəlirləri artıb.

Marja.az Şirkətin yerli standartlar əsasında hazırlanmış maliyyə hesabatlarına istinadən xəbər verirk ki, 2025-ci ildə "PAŞA Sığorta"nın cəmi gəlirləri 348 milyon 451 min manat, cəmi xərcləri 299 milyon 414 min manat, maliyyə mənfəəti 49 milyon 37 min manat təşkil edib. Şirkət maliyyə mənfəətindən 9 milyon 706 min manat mənfəət vergisi ödəyib.

Müqayisə üçün qeyd edək ki, 2024-cü ildə "PAŞA Sığorta"nın cəmi gəlirləri 346 milyon 937 min manat, cəmi xərcləri 299 milyon 837 min manat, maliyyə mənfəəti 47 milyon 100 min manat təşkil etmşdi. Şirkət maliyyə mənfəətindən 5 milyon 69 min manat mənfəət vergisi ödəmişdi.

2024-cü ilin yekunları ilə müqayisədə 2025-ci il ərzində "PAŞA Sığorta"nın cəmi gəlirləri 1 milyon 514 min manat və ya 0,4% artıb, cəmi xərcləri 423 min manat və ya 0,1% azalıb, maliyyə mənfəəti isə 1 milyon 938 min manat və ya 4,1% artıb.

"PAŞA Sığorta"nın topladığı sığorta haqları (birbaşa sığorta üzrə sığorta haqları) 2024-cü ildə 306 milyon 966 min manat ikən, 2025-ci ildə 339 milyon 552 min manata yüksəlib (32 milyon 587 min manat və ya 10,6% artıb)

"PAŞA Sığorta"nın sığorta ödənişləri 2024-cü ildə 143 milyon 214 min manat ikən, 2025-ci ildə 140 milyon 673 min manata düşüb (2 milyon 541 min manat və ya 1,8% azalıb).

PAŞASığorta PAŞASığortaASC PAŞASığortamaliyyənəticələri PAŞASığorta2025 PAŞASığortaxalismənfəət sığortasektoru sığortaşirkətləriAzərbaycanda Azərbaycansığortabazarı sığortahaqları sığortaödənişləri maliyyəhesabatı şirkətgəlirləri şirkətxərcləri maliyyəmənfəəti mənfəətvergisi Azərbaycaniqtisadiyyatı korporativnəticələr şirkəthesabatı sığortabazarınıninkişafı PAŞAGroup Azərbaycamsığortasektoru Marjaaz iqtisadixəbərlər sığortamaliyyəsi PAŞASığortastatistika

10.04.2026 07:52