Qlobal investisiya bankı "Goldman Sachs"ın analitiklərinə görə, qızılın unsiyasının qiyməti 2026-cı ilin sonuna qədər 5400 dollara çata bilər.

Marja.az-ın məlumatına görə, bankın analitikləri araşdırmada bildiriblər ki, bazarda spekulyativ mövqelər hazırda aşağı səviyyədədir və qızıl “həddindən artıq satılmış” görünür. Analitiklərin fikrincə, investorlar daha sərt pul siyasəti şokunu qiymətlərə daxil ediblər və bu da qızıl üzərində təzyiq yaratsa da, yuxarı istiqamətli potensialı gücləndirir.

Faiz endirimi qızılı dəstəkləyə bilər

Bankın iqtisadçıları hesab edir ki, ABŞ Mərkəzi Bankı (FED) 2026-cı ildə iki dəfə faiz endiriminə gedə bilər. Hesablamalara görə, bu addımlar qızılın qiymətinə unsiya üzrə təxminən 120 dollar əlavə dəstək verə bilər.

Mərkəzi bankların tələbi əsas faktor olacaq

Qeyd olunur ki, orta müddətdə qızıl bazarında qiymət artımına əsas dəstək amillərindən biri mərkəzi bankların alışları olaraq qalacaq. "Goldman Sachs"ın analitikləri bu alışların yenidən sürətlənərək aylıq orta hesabla 60 ton səviyyəsinə çata biləcəyini proqnozlaşdırırlar.

XXX

Qızılı, ABŞ Prezidenti Donald Trampın Hörmüz boğazını yenidən açmadan İran müharibəsini sona çatdırmaq istədiyinə dair xəbərlər və ABŞ Mərkəzi Bankının faiz artışı gözləntilərini "yumşaldan" açıqlamalarından sonra yüksəlişini davam etdirib.

Külçə qızılın qiyməti, əvvəlki ticarət sessiyasında 0,4% yüksəldikdən sonra 1,8%-ə qədər artaraq unsiyası təxminən 4585 dolları görüb. Bu yüksəliş, "The Wall Street Journal"ın xəbərinə görə, Trampın müşavirlərinə Hörmüz boğazı böyük ölçüdə bağlı olsa da ABŞ-ın İrana hərbi əməliyyatını sona çatdırmağa hazır olduğunu söyləməsi ilə əlaqələndirilir. Bu, bir aydır davam edən münaqişənin sona çatacağına dair ümidləri artırıb.

FED sədri Jerome Powell bildirib ki, müharibənin neft qiymətlərini artıraraq inflyasiya təzyiqləri və faiz artışı gözləntilərini yüksəltməsinə baxmayaraq, uzunmüddətli ABŞ inflyasiya gözləntiləri nəzarət altında görünür. Powell, mərkəzi bankın siyasətini “gözləyib görmək üçün yaxşı bir nöqtədə” olduğunu ifadə edib.

Son günlər investorlar, ABŞ və İsrailin Fevral ayının sonunda İrana qarşı hücumlar başlatmasından sonra qizılın qiymətləində yaşanan azalmanı fürsət olaraq qiymətləndirərək alışa keçiblər.

İş elanları AzVak.az-da