"Əgər neftin qiymətinin 200 dolları keçməsinə dözə bilirsinizsə, bu oyunu davam etdirin”

"Əgər neftin qiymətinin 200 dolları keçməsinə dözə bilirsinizsə, bu oyunu davam etdirin”

İrandan neft xəbərdarlığı: “Qiymət 200 dolları keçə bilər!” İran İslam İnqilabı Keşikçiləri Korpusuna bağlı Hatemul Enbiya Mərkəzi Qərargahının sözçüsü İbrahim Zülfikari bildirib ki, “Əgər neftin bir barelinin qiymətinin 200 dolları keçməsinə dözə biləcəksinizsə, bu oyunu davam etdirin.” Onun sözlərinə görə, enerji bazarında gərginliyin artması neft qiymətlərində kəskin sıçrayışa səbəb ola bilər. Qeyd edək ki, ABŞ və İsrail daha əvvəl paytaxt Tehran və ətrafındakı neft anbarlarını hədəf alan zərbələr endirmişdi.

"Əgər neftin qiymətinin 200 dolları keçməsinə dözə bilirsinizsə, bu oyunu davam etdirin”

İran ordusu xəbərdarlıq edib ki, ABŞ və İsrail ölkənin enerji infrastrukturuna zərbələri davam etdirərsə, İran da regiondakı neft obyektlərini hədəf ala bilər.

Marja xəbər verir ki, dövlət televiziyasına danışan İran İslam İnqilabı Keşikçiləri Korpusuna bağlı "Hatemul Enbiya" (Hatemün Nebiyyin) Mərkəzi Qərargahının sözçüsü İbrahim Zülfikari ABŞ və İsrailin İranın infrastrukturuna qarşı hücumlarını şərh edib.

“200 dollara hazır olun” mesajı

Zülfikari bildirib ki, İslam ölkələrinin rəhbərlikləri müharibənin təsirlərinin daha geniş yayılmaması üçün ABŞ və İsraili “bu cür qorxaq və qeyri-insani addımlardan çəkinməyə” çağırmalıdır.

O, çıxışında əlavə edib:

“Əks halda, bölgədə oxşar addımlar atılacaq və əgər neftin bir barelinin qiymətinin 200 dolları keçməsinə dözə bilirsinizsə, bu oyunu davam etdirin.”

Hədəf siyahısında dəyişiklik

İranın Xəbər Agentliyinə danışan iranlı bir rəsmi bildirib ki, ölkə hədəf seçimi strategiyasını dəyişib və artıq yalnız ABŞ və İsrailə məxsus hərbi obyektlərlə kifayətlənməyəcək.

Rəsmiyə görə, İran bundan sonra ABŞ kapitallı obyektləri də potensial hədəf kimi nəzərdən keçirə bilər. Onun sözlərinə görə, bu qərar ABŞ və İsrail rəsmilərinin son açıqlamalarından sonra qəbul olunub və həmin ölkələrin birbaşa İran xalqını təhdid etməyə başladığı iddia edilir.

Qeyd edək ki, ABŞ və İsrail ötən gecə paytaxt Tehran və ətrafındakı neft anbarlarını hədəf alan zərbələr endirmişdi.

Qeyd edək ki, Yaxın Şərqdə artan gərginlik və təkliflə bağlı narahatlıqlar fonunda bu gün neft qiymətləri 30%-ə yaxın yüksəlib, Brent neftinin bir barelinin qiyməti isə 119 dollara qədər qalxıb.