Bank BTB-nin aktiv və öhdəlikləri ABB-yə keçir!

Bank BTB-nin aktiv və öhdəlikləri ABB-yə keçir!

Depozitlər və kreditlər ABB-yə ötürüləcək

Bank BTB-nin aktiv və öhdəlikləri ABB-yə keçir!

"Azərbaycan Beynəlxalq Bankı" ASC, ABB tərəfindən Bank “BTB” ASC-nin aktivlərinin alınmasına dair məlumat yayıb.

Marja xəbər verir ki, məlumatda bildirilir:

VTB-də minimal faiz dərəcəsi ilə nağd kredit 9.9%-dən

Bank “BTB” ASC tərəfindən aktivlərinin satılması və öhdəliklərinin də ABB-yə ötürülməsi təşəbbüsü çərçivəsində 02.03.2026-cı il tarixində Bank “BTB” ASC ilə ABB arasında “Aktivlərin və passivlərin ötürülməsi haqqında müqavilə” imzalanmışdır. Qeyd olunan bankın aktivlərinin alınması ABB-nin strateji inkişaf hədəflərinə, böyümə niyyətlərinə, o cümlədən müştəri bazasını və portfelini genişləndirmək məqsədlərinə uyğundur.

Proses çərçivəsində Bank “BTB” ASC-nin aktivləri ABB-nin balansına keçəcək, eyni zamanda öhdəlikləri də ABB tərəfindən qarşılanacaq.

Bank “BTB” ASC-də müddətli və tələbli depozitləri olan fiziki və hüquqi şəxslər öz istəklərinə əsasən, 10 mart 2026-cı il tarixindən etibarən müvafiq razılıq əsasında depozitlərini mövcud müqavilə şərtləri ilə ABB-yə keçirə, yaxud depozit müqavilələrinə xitam verərək həmin tarixə hesablanmış faizlərlə birlikdə öz vəsaitlərini ABB-nin istənilən filial və ya şöbəsindən geri götürə bilərlər.

Bank “BTB” ASC-yə kredit borcu olan müştərilərin kreditləri də mövcud müqavilə şərtləri ilə ABB-yə ötürüləcək və ödənişlərin ABB tərəfindən qəbulu həmin şərtlərlə davam etdiriləcək. Müştərilər kredit ödənişlərinin edilməsi və müvafiq sənədləşmə işləri üçün ABB-nin istənilən filial və ya şöbəsinə yaxınlaşa bilərlər.

Qeyd olunan məsələlərlə bağlı ABB-nin Məlumat Mərkəzinə (937) müraciət etməklə əlavə məlumat əldə oluna bilər.

Hər gün yeni vakansiyalar - AzVak.az-da

Həmçinin oxu

“BTB” bank fəaliyyətini dayandırır - SON DƏQİQƏ

Azərbaycan Beynəlxalq Bankı Bank BTB bank aktivlərinin alınması aktiv və passivlərin ötürülməsi bank sektorunda birləşmə ABB strateji inkişaf bank aktivlərinin transferi depozitlərin köçürülməsi bank müştəriləri kredit portfeli ötürülməsi Azərbaycan bank sektoru bank konsolidasiyası bank müqaviləsi maliyyə sektoru Azərbaycan bank aktivlərinin alınması müqaviləsi

06.03.2026 15:31