Özünün İngiltərənin “Dəmir Leydisi” Marqaret Tetçerdən ilham aldığını deyən mühafizəkar Takaiçinin Liberal Demokratlar Partiyasının (LDP) parlamentin aşağı palatasında mövcud olan 465 mandatdan 328-ni qazanıb.

Marja xəbər verir ki, koalisiya ortağı Yaponiya İnnovasiya Partiyası ilə birlikdə Takaiç hazırda parlamentdə üçdə iki çoxluğa sahibdir. Bu üstünlük ona nəzarətində olmayan yuxarı palatanın vetosunu aşmaq imkanı verir və qanunvericilik gündəmini xeyli asanlaşdırır.

Beləliklə, seçkilərdən əvvəl 198 mandata malik olan LDP bu seçkilərlə mövqelərini daha da gücləndirmiş olacaq.

Digər tərəfdən, müxalifətdəki Mərkəzçi İslahat Alyansının mandat itirdiyi görünür.

Parlamentdəki 465 yerin 289-u təkmandatlı seçki dairələrindən, qalan hissəsi isə 11 regional seçki blokunda proporsional təmsilçilik yolu ilə müəyyənləşdirilir.

233 mandat qazanan partiya parlamentdə çoxluq əldə etmiş sayılır. Parlamentə düşmək uğrunda ölkə üzrə ümumilikdə 1284 namizəd mübarizə aparır.

Asiyanın əksər fond bazarları bazar ertəsi günü kəskin şəkildə yüksəlib, Baş nazir Sanae Takaiçinin hakim koalisiyası aşağı palatadakı səsvermədə qəti qələbə qazandıqdan sonra Yaponiya səhmləri rekord həddə yüksəlib.

Yaponiyanın Nikkei 225 indeksi 5,6%-ə qədər artaraq 57.337,07 bal səviyyəsinə çatıb. Bu, Takaiçinin hakim koalisiyasının bazar günü keçirilən aşağı palata seçkilərində böyük səs çoxluğu qazanmasından sonra siyasi aydınlıqla dəstəklənir.

Daha geniş TOPIX indeksi 3,4% artaraq rekord həddə - 3825,67 bal səviyyəsinə çatıb.

ING analitikləri qeyddə bildiriblər ki, "Koalisiyanın qələbəsi Takaiçiyə siyasi qərarlarda daha çox azadlıq verəcək və onun iqtisadi və xarici siyasət məqsədlərinə çatmaq qabiliyyətini gücləndirəcək".

Bazarlar Takaiçi hökumətinin texnologiya, müdafiə və enerji kimi strateji sektorlara davamlı dəstək ilə yanaşı, dövlət xərclərini artırmasını, vergi güzəştlərini, əmək haqqını və korporativ investisiyaları artırmaq üçün tədbirlər görəcəyini gözləyir.