ABŞ Prezidenti Donald Trump, İran ilə Oman paytaxtı Maskatda aparılan danışıqları “çox yaxşı” kimi qiymətləndirib və İranın yeni razılaşma əldə etmək istəyini güclü şəkildə göstərdiyini bildirib.

Marja xəbər verir ki, Trump, Vaşinqtondan Floridaya gedərkən, prezident təyyarəsində jurnalistlərin suallarını cavablandırıb.

Maskatda keçirilən ilk danışıqlardan məmnun qaldığını bildirən Trump, “Bu gün Rusiya və Ukrayna ilə çox, çox yaxşı danışıqlar apardıq, eyni şəkildə İranla da çox yaxşı danışıqlar apardıq. İran razılaşma əldə etmək istəyirmiş kimi görünür və bunu çox istəyirlər” dedi.

Trump, İrana qarşı böyük donanmanın bölgəyə göndərildiyini xatırladaraq, “Bunun necə nəticələnəcəyini görəcəyik” deyə danışıb.

Venesuela xatırlatması

ABŞ-ın zəruri addımı atacağını, lakin tələsmələrini tələb edəcək vəziyyətin olmadığını vurğulayan Trump, “Venesuelanı xatırlayırsınızsa, bir müddət gözləmişdik və tələsmirik. Kifayət qədər vaxtımız var. İranla çox yaxşı danışıqlar aparırıq” ifadələrini işlədib.

Trump, xüsusi nümayəndəsi Steve Witkoff və kürəkəni Jared Kushnerdən ibarət ABŞ danışıqlar qrupunun İranın xarici işlər naziri Abbas Əraqçi ilə keçirdiyi görüşü “yüksək səviyyəli nümayəndələr” arasında aparılan danışıqlar kimi xarakterizə edərək, “Əgər razılaşma olmazsa, nəticələrin çox sərt olacağı aydındır. Buna görə hamı kartlarını bilir” deyib.

İran ilə qəbul edilə bilən şərtlərlə razılaşma əldə edilməsini çox istədiyini bildirən Trump, “Amma hər şeydən əvvəl, nüvə silahı olmayacaq” deyib.

Trump, ikinci prezidentlik dövrünün ilk aylarında Tehran rəhbərliyinin hazırda müzakirə edilən şərtlərə indiki kimi müsbət yanaşsaydı, “iki ölkə arasında çoxdan razılaşma olacağını” iddia edərək, “Hazırda razılaşma üçün əvvəlkindən daha istəklidirlər” ifadələrini işlədib.

Danışıqların nəticələrini görmək lazım olduğunu vurğulayan Trump, tərəflərin gələn həftə yenidən görüşməyi planlaşdırdıqlarını qeyd edib.

Omanın vasitəçiliyi ilə Maskatda keçirilən danışıqların yaxşı başlanğıc olduğu, tərəflərin danışıqları davam etdirmək qərarı qəbul etdiklərini və yeni danışıqlar raundu üçün ortaq niyyət bəyan etdikləri ictimaiyyətə açıqlanmışdı.

İranda yanvar ayında başlayan etiraz aksiyaları ilə birlikdə ABŞ ilə İran arasında gərginlik artmış, Trump etirazçılara dəstək vermək üçün hərbi gücdən istifadə edə biləcəyi mesajını vermişdi.

Trump, Tehran rəhbərliyinin etirazçılara qarşı edam qərarını dayandırmasından sonra hərbi variantı hələlik dayandırdığını açıqlayaraq, nüvə proqramı və regional təhlükəsizlik narahatlıqlarını əhatə edən uzunmüddətli mübahisəni həll etmək üçün diplomatiyanın yenidən işə düşdüyünü bildirmişdi.

İki ölkə arasında Türkiyənin təklifi ilə əvvəlcə İstanbulda görüş keçirilməsi elan edilsə də, görüş yeri daha sonra İranın tələbi ilə Maskata dəyişdirilmişdi.

XXX

Vaşinqton və Tehran arasında danışıqların növbəti mərhələsi gələn həftənin əvvəlində gözlənilir.

Bunu ABŞ prezidenti Donald Tramp açıqlayıb. 

"Gələn həftənin əvvəlində yenidən görüşəcəyik. Onlar razılaşma istəyirlər. Onlar razılaşma istəmək məcburiyyətindədirlər", - Tramp bildirib.

Tramp: İran razılaşmaya hazırdır, ABŞ isə tələsmir

Vaşinqton hesab edir ki, Tehran İranın nüvə proqramı ilə bağlı razılığa gəlməyə can atır. Lakin ABŞ razılaşmaya nail olmağa tələsmir.

Bunu ABŞ prezidenti Donald Tramp jurnalistlərlə söhbəti zamanı deyib.

"İranla bağlı çox yaxşı danışıqlar apardıq. İran razılaşma əldə etməyə çox can atır. Bu razılaşmanın nədən ibarət olduğunu da görəcəyik. Keçən dəfə onlar razılaşmamaq qərarına gəlmişdilər. Amma bu dəfə fərqli ola bilər. Bizim kifayət qədər vaxtımız var. Venesuelaya baxsanız görərsiniz ki, bir müddət gözlədik. Biz İranla bağlı tələsmirik", - Tramp bildirib.