Vüsal Qasımlıya müavin təyin edilib

Vüsal Qasımlıya müavin təyin edilib

İqtisadi İslahatların Təhlili və Kommunikasiya Mərkəzində (İİTKM) yeni kadr təyinatı olub.

İqtisad üzrə fəlsəfə doktoru Təranə Salıfova Mərkəzin icraçı direktorunun (Vüsal Qasımlının) müavini vəzifəsinə təyin edilib.

VTB-də minimal faiz dərəcəsi ilə nağd kredit 9.9%-dən

Təranə Salıfova Bakı Dövlət Universitetində tarix ixtisası üzrə bakalavr və magistr təhsili alıb. Həmçinin Azərbaycan Dövlət İqtisad Universitetində iqtisadiyyat ixtisası üzrə ikinci ali təhsil alıb. 2016–2019-cu illərdə isə doktorantura təhsilini başa vurub. 2021-ci ildə fəlsəfə doktoru proqramı üzrə dissertasiya işini müdafiə edib.

Təranə Salıfova 2011–2023-cü illərdə İqtisadiyyat Nazirliyinin İqtisadi İslahatlar Elmi Tədqiqat İnstitutunda baş mütəxəssis, böyük elmi işçi, şöbə müdiri və elmi katib vəzifələrində çalışıb.

2023-cü ildə İqtisadi İslahatların Təhlili və Kommunikasiya Mərkəzinin Monitorinq və qiymətləndirmə şöbəsinin Sosial-iqtisadi proqramların monitorinqi sektorunun müdiri, həmin ilin sentyabr ayından Monitorinq və qiymətləndirmə şöbəsinin müdiri vəzifələrində çalışıb.

2024-cü ilin avqust ayında Mərkəzin icraçı direktorunun müşaviri vəzifəsinə təyin olunub.

Elmi-pedaqoji fəaliyyətlə də məşğul olan Təranə Salıfova 2020–ci ildən etibarən Biznesin İdarə Edilməsi (MBA) və SABAH magistratura qruplarında tədris aparır. O, yerli və beynəlxalq mətbuatda dərc olunmuş 25-dən çox elmi və publisistik məqalə və tezisin müəllifidir.

İş elanları AzVak.az-da

İİTKM kadr-təyinatı Təranə-Salıfova iqtisadi-islahatlar İqtisadi-İslahatların-Təhlili-və-Kommunikasiya-Mərkəzi icraçı-direktor-müavini Vüsal-Qasımlı iqtisadçı elmi-fəaliyyət doktorantura iqtisad-üzrə-fəlsəfə-doktoru Bakı-Dövlət-Universiteti Azərbaycan-Dövlət-İqtisad-Universiteti İqtisadiyyat-Nazirliyi elmi-tədqiqat-institutu monitorinq-və-qiymətləndirmə sosial-iqtisadi-proqramlar dövlət-qurumu kadr-islahatları ali-təhsil MBA-tədrisi SABAH-magistratura elmi-məqalələr iqtisadi-təhlil ictimai-idarəetmə

04.02.2026 09:35