Qızılın qiyməti barədə iddialı proqnoz: 7 min 100 dollara qədər yüksələ bilər

Qızılın qiyməti barədə iddialı proqnoz: 7 min 100 dollara qədər yüksələ bilər

Qlobal miqyasda aparıcı investisiya bankçılığı və maliyyə məsləhət xidmətləri şirkəti RBC bildirir ki, 2025-ci ildə qızılın qiymətində təxminən 65 faizlik artım 2026-cı ildə də təkrarlanarsa, qiymət ilin sonuna qədər 7 min 100 dollara qədər yüksələ bilər.

Qızılın qiyməti barədə iddialı proqnoz: 7 min 100 dollara qədər yüksələ bilər

Qızılın unsiyası 5 min 300 dollar səviyyəsini aşaraq yeni rekord həddə çatdığı bir vaxtda, qlobal miqyasda aparıcı investisiya bankçılığı və maliyyə məsləhət xidmətləri şirkəti olan "RBC Capital Markets"in son təhlilinə görə, qiymətli metalın qiymətindəki yüksəliş zəifləmə əlaməti göstərməyəcək.

Marja xəbər verir ki, RBC daha əvvəl yüksək ssenarisində qızılın 2026-cı ilin dördüncü rübündə 5 min 200 dollar səviyyəsinə çatacağını gözlədiyini, lakin qeyri-müəyyənliklərin sürətlənməsi və dolların geniş miqyasda zəifləməsinin bu prosesi (qiymətin reallaması vaxtını) önə çəkdiyini qeyd edib. Bankın fikrincə, yüksəlişin tempi gözləntiləri üstələyib.

2026-cı ilin yanvar ayında qızıl artıq 8 dəfə bütün zamanların ən yüksək səviyyəsini görüb; bu göstərici 2025-ci ilin bütün dövrü ərzində 51 idi.

Qızılın bahalaşmasının davam edəcəyi gözlənilir

Təhlildə ticarət gərginlikləri, siyasi və geosiyasi qeyri-sabitlik, eləcə də FED-in müstəqilliyi ilə bağlı narahatlıqların qızıl üçün güclü makro zəmin yaratdığı vurğulanıb. Mərkəzi banklar və investorlar tərəfindən tələbin azalmadığı, ETP aktivlərinin isə qiymətlərlə paralel şəkildə artdığı qeyd edilib.

Təhlildə qeyd edilib ki, keçmiş böyük "rallilər ilə" müqayisədə mövcud qiymət yüksəlişin müddətinin normal olduğu, tarixi orta göstəricilərə əsasən artımın sentyabr və ya dekabr ayına qədər davam edə biləcəyi vurğulanıb.

RBC qeyd edir ki, 2026-cı ildə qızıl, 2025-ci ildəki təxminən 65 faizlik artımı təkrarlayarsa, qiymət ilin sonunda 7 min 100 dollara qədər yüksələ bilər.

Qeyd edək ki, Bakı vaxtı ilə saat 23:20-də qızıl 2,2% bahalaşma ilə 5325,97 dollara ticarət olunub.

qızıl qiyməti rekord qızılın unsiyası 5200 dollar qızıl yeni tarixi maksimum RBC Capital Markets təhlili qızıl proqnozu 2026 qızıl yüksəlişi davam edir dolların zəifləməsi qlobal qeyri-müəyyənliklər geosiyasi risklər ticarət gərginlikləri FED-in müstəqilliyi narahatlıqları təhlükəsiz liman aktivləri mərkəzi bankların qızıl tələbi investor tələbi qızıl ETP aktivləri qızıl rallisi tarixi müqayisə qızıl qiymət artım tempi 2026 qızıl proqnozu 7100 dollar qızıl üzrə yuxarı yönlü risklər qlobal maliyyə bazarları qiymətli metallar bazarı

28.01.2026 23:26