Norm 3-cü dəfə beynəlxalq tədbirə ev sahibliyi edəcək

Norm 3-cü dəfə beynəlxalq tədbirə ev sahibliyi edəcək

Norm 3-cü dəfə beynəlxalq tədbirə ev sahibliyi edəcək

(®) Bakıda beton sahəsinə həsr olunmuş beynəlxalq “ICCX Academy Baku” konfransı və sərgisi keçiriləcək.

29 yanvarda JW Marriott Absheron Baku Hotel-də təşkil olunacaq tədbirə Norm şirkəti ev sahibliyi edəcək. Bu platforma vasitəsilə Norm ölkənin inşaat sənayesinin peşəkarlarını bir araya gətirərək, yerli və beynəlxalq təcrübələrin qarşılıqlı paylaşılması üçün mühit yaradacaq.

Müasir beton texnologiyaları və inşaat sahəsindəki qabaqcıl trendləri ön plana çıxaran tədbirin gündəliyinə bir çox əhəmiyyətli mövzular daxil edilib. Konfransda Azərbaycanın inşaat sənayesinin gələcəyində innovasiyaların və dayanıqlı inkişafın rolu, əsas inşaat materialı kimi betonun əhəmiyyəti, eləcə də müasir beton istehsalında tətbiq olunan yanaşmalar və praktik həllərdən danışılacaq. Eyni zamanda, Avropa və Şərq ölkələrinin qabaqcıl təcrübələri bölüşülərək regional və beynəlxalq baxış bucaqları bir araya gətiriləcək. Konfransla yanaşı sərgi iştirakçısı olan 20-yə yaxın beynəlxalq şirkət öz məhsul və xidmətlərini ziyarətçilərə təqdim edəcək.

Zəngin bilik və təcrübələrin bölüşüldüyü “ICCX Academy Baku” beynəlxalq beton konfransı və sərgisi Azərbaycanda keçirilən və Norm şirkətinin ev sahibliyi etdiyi üçüncü belə tədbir olacaq. Bundan öncə 2019 və 2023-cü illərdə keçirilmiş tədbirlər beton və inşaat sahəsinin yerli və beynəlxalq mütəxəssislərini bir araya gətirərək, sənayedəki yeniliklərlə bağlı məlumat mübadiləsinə şərait yaratmışdı. Bu dəfə də “ICCX Academy Baku” sektorun gələcəyinə yön verən yeni ideyaların və innovativ yanaşmaların müzakirəsini dəstəkləyən peşəkar dialoq platforması rolunu oynayacaq.

“Norm” ASC 10-dan çox ölkədə enerji, telekommunikasiya, yüksək texnologiyalar və tikinti sahələrində fəaliyyət göstərən beynəlxalq şirkətlər qrupu olan NEQSOL Holding-in tərkibinə daxildir.

ICCX Academy Baku beynəlxalq beton konfransı beton sərgisi Bakı inşaat sənayesi Azərbaycan Norm şirkəti JW Marriott Absheron Baku beton texnologiyaları müasir beton istehsalı inşaat innovasiyaları dayanıqlı inkişaf beton trendləri inşaat materialları beynəlxalq inşaat təcrübəsi Avropa və Şərq inşaat bazarı beton sənayesi inşaat sərgisi ICCX konfransı Norm ASC NEQSOL Holding tikinti sektoru Azərbaycan beynəlxalq şirkətlərin iştirakı beton avadanlıqları və həlləri inşaat peşəkarları sənaye dialoq platforması

26.01.2026 10:04