Vaxtında uçota durmayan “Classnet” internet provayderi cərimələndi

Vaxtında uçota durmayan “Classnet” internet provayderi cərimələndi

Vaxtında uçota durmayan “Classnet” internet provayderi cərimələndi

Ölkədə informasiya kommunikasiya texnologiyaları və rabitə (telekommunikasiya və poçt) sahəsində tənzimləyici qurum olan İnformasiya Kommunikasiya Texnologiyaları Agentliyi (Agentlik) internet telekommunikasiya xidməti göstərən operator və provayderlərin qanunvericiliyə uyğun uçota alınması istiqamətində nəzarət tədbirlərini davam etdirir.

Agentlik bildirir ki, qanunvericiliyin tələbinə əsasən internet telekommunikasiya xidməti göstərən operator və provayderlər xidmət göstərməyə başladıqları vaxtdan 15 gün müddətində uçota durmalıdır.

“Classnet” Məhdud Məsuliyyətli Cəmiyyətinin uçota alınma üçün təqdim etdiyi sənədlərdən Cəmiyyətin bu tələbi vaxtında yerinə yetirmədiyi müəyyən olunub. Bununla bağlı Azərbaycan Respublikasının İnzibati Xətalar Məcəlləsinin 370-1.0.1-ci maddəsinə uyğun olaraq inzibati xəta haqqında protokol tərtib edilib və baxılması üçün Bakı şəhəri Səbail Rayon Məhkəməsinə göndərilib. Məhkəmənin qərarı ilə Cəmiyyət barəsində 1500 manat məbləğində inzibati cərimə tətbiq olunub.

Agentlik internet telekommunikasiya xidməti göstərən operator və provayderləri uçota durma qaydalarına riayət etməyə çağırır və bu istiqamətdə operator və provayderlər üçün mütəmadi olaraq maarifləndirici tədbirlər həyata keçirməklə metodoloji və texniki dəstək göstərir. Telekommunikasiya operatorları və provayderləri üçün sözügedən sahə üzrə çətinlik yarandığı halda, Agentlik səlahiyyətləri çərçivəsində kömək etməyə daim hazırdır.

İnformasiya Kommunikasiya Texnologiyaları Agentliyi İKTA internet telekommunikasiya xidməti operator və provayderlər dövlət nəzarəti uçota alınma tələbi telekommunikasiya qanunvericiliyi 15 gün müddəti Classnet MMC inzibati xəta İnzibati Xətalar Məcəlləsi 370-1.0.1-ci maddə inzibati protokol Səbail Rayon Məhkəməsi 1500 manat cərimə internet provayderləri tənzimləyici qurum telekommunikasiya nəzarəti maarifləndirici tədbirlər metodoloji və texniki dəstək

23.01.2026 10:44