ABŞ Prezidenti Donald Tramp qlobal ictimaiyyət tərəfindən maraqla gözlənilən Davos çıxışı üçün kameralar qarşısına keçib.

Onun çıxışında önə çıxan başlıqlar:

• VTB-də minimal faiz dərəcəsi ilə nağd kredit 10.49%-dən
  
  

  ABŞ-də dünyanın indiyədək görmədiyi bir iqtisadiyyat görəcəksiniz. Xalq məndən çox razıdır.

• Avropanı sevirəm, amma Avropa yaxşı istiqamətə getmir. Bizim etdiklərimizi izləsəniz, siz də uğur qazana bilərsiniz.

• ABŞ iqtisadiyyatı, BVF-nin (IMF) proqnozlaşdırdığı artım tempindən iki dəfə sürətlə inkişaf edir.

• Avropanın bəzi yerləri artıq tanınmaz haldadır.

• Dövlət sektorunda 100 milyard dollarlıq ixtisara getdik, bu da iqtisadiyyata müsbət təsir göstərdi. Tənzimləmələrdə də ixtisar edilməməsi barədə göstəriş verdim.

• Tariflər sayəsində inanılmaz dərəcədə artmış ticarət kəsirimizi azaltdıq. Aylıq ticarət kəsirini 77 faiz aşağı saldıq. Tarixi ticarət razılaşmaları imzaladıq. Bu da səhm bazarlarında partlayış yaratdı. ABŞ yüksələndə siz də bizi izləyirsiniz.

• ABŞ-də təbii qaz istehsalı bütün zamanların ən yüksək səviyyəsindədir. ABŞ-in gündəlik neft hasilatı 730 min barel artıb.

• Venesuelaya da yardım edirik. Uzunmüddətli perspektivdə ora gözəl bir ölkə olacaq.

• ABŞ-də benzin qiymətləri tezliklə bir qallon üçün 2 dollardan açağı düşəcək.

• ABŞ nüvə enerjisinə böyük önəm verir.

• Süni intellektdə dünyaya istiqamət veririk. Artıq nüvə enerjisindən münasib qiymətlərlə və təhlükəsiz şəkildə istifadə etmək mümkündür.

• Almaniyanın enerji problemləri hazırkı kanslerin günahı deyil. Baş nazir Merz yaxşı iş görür.

• Avropanın, İngiltərənin çox yaxşı vəziyyətdə olmasını istəyirəm, onlar çox zəngin ehtiyatların üzərində oturublar.

• ABŞ-dən başqa heç bir ölkə Qrenlandiyaya sahib olmamalıdır.

• Qrenlandiya çox böyük risklərlə üz-üzədir.

• Qrenlandiya çox strateji bir ərazidə müdafiəsiz vəziyyətdə qalıb.

• Qrenlandiyaya nadir elementlər üçün deyil, təhlükəsizliyimiz üçün ehtiyacımız var.

• Danimarkaya və Qrenlandiyaya hörmət edirəm; onun Avropa və bizim üçün təhlükəsiz olması vacibdir.

• Hazırda dünyanın ən güclü sərhəd xəttinə sahibik, 8 müxtəlif müharibəni bitirmişəm.

• Qrenlandiyanı almaq üçün güc tətbiq etməyəcəyik.

• “Qızıl qübbə” Kanadanı qoruya bilər; minnətdar deyillər, amma olmalıdırlar.

• Putin və Zelenski ilə danışıram, onlar sülh istəyirlər, bu müharibə bitməlidir.

• ABŞ-ə hücum olarsa, NATO-nun bizim üçün orada olub-olmayacağından əmin deyiləm; bizi dəstəkləmirlər.

• Müdafiə şirkətlərinin səhm geri alımalarına artıq icazə verilmir.

• Biz yalnız öz təhlükəsizliyimiz üçün "bir parça buz" istəyirik.

• Sərhədlərimiz və iqtisadiyyatımız çox güclüdür; milli təhlükəsizlik iqtisadi rifahla mümkün ola bilər.

• İpoteka faizləri, avtomobil kreditləri və market qiymətləri aşağı düşüb — inanılmaz iş görmüşük.

• Kredit kartı xərcləri çox yüksəlib, indiyə qədər görmədiyimiz səviyyələrdədir.

• Amerika arzusu­nun əsas sütunlarını geri qaytarıram.

• Tariflər olmasaydı, dərman qiymətlərinin aşağı düşməsinə nail ola bilməzdik.

• Yaxın zamanda FED sədrini açıqlayacağam.

• Çox tezliklə FED sədrini elan edəcəyəm. O, çox hörmətli bir şəxsdir. Kim olursa-olsun, düşünürəm ki, yaxşı bir proses olacaq. Hazırkı FED sədrimiz dəhşətli biridir, amma biz çox yaxşı birini gətirəcəyik və ümid edirik ki, yaxşı iş görəcək.