Fransız fermerlərin etiraz aksiyaları davam edir

Fransız fermerlərin etiraz aksiyaları davam edir

Fransada AB–MERCOSUR sazişinə qarşı çıxan fermerlər ictimai binaların qarşısına peyin töküblər.

Fransız fermerlərin etiraz aksiyaları davam edir

Fransanın Dijon şəhərində bir araya gələn fermerlər Mercosur ticarət sazişini etiraz etmək məqsədilə cümə günü ictimai binaların qarşısına peyin, təkər və saman töküblər.

Marja xəbər verir ki, ölkənin ən böyük kənd təsərrüfatı qurumlarından olan Milli Kənd Təsərrüfatı İstehsalçıları İttifaqları Federasiyasının (FNSEA) yaydığı açıqlamada, UNPT-nin federasiyanın səfərbərlik çağırışına dəstək məqsədilə simvolik aksiya keçirdiyi bildirilib.

Açıqlamada qeyd olunub ki, Fransanın kənd təsərrüfatı sektoru gəlirlərini, standartlarını və ölkənin kənd təsərrüfatı sahəsində suverenliyini qorumağa davam etmək üçün birlik və qətiyyət nümayiş etdirir.

Ölkə üzrə keçirilən aksiyalarda AB–MERCOSUR sazişinin fermerlərin əleyhinə yarada biləcəyi ədalətsiz rəqabətə qarşı təcili və konkret fəaliyyət planının hazırlanması tələb olunub.

AB–MERCOSUR sazişi prosesi

AB ölkələri daha əvvəl 2025-ci ilin dekabrına planlaşdırılan, lakin fermer etirazları və Fransa, İtaliya və Polşa kimi ölkələrin etiraz mövqeyi səbəbindən təxirə salınan AB–MERCOSUR azad ticarət sazişini 9 yanvarda təsdiqləyib.

Paraqvayda 17 yanvarda imzalanması planlaşdırılan saziş çərçivəsində MERCOSUR ölkələrinə mal əti, quş əti, süd məhsulları, şəkər və etanol kimi bəzi kənd təsərrüfatı məhsulları üzrə gömrük güzəştlərinin verilməsi, bunun əvəzində isə bu ölkələrin bazarlarının Avropa sənayesi üçün açılması nəzərdə tutulur.

Avropalı fermerlər isə istehsalının aşağı standartlara cavab verdiyini iddia etdikləri ucuz kənd təsərrüfatı məhsullarının AB bazarını dolduracağına diqqət çəkərək, bunun bir çox ailə təsərrüfatının iflasına səbəb ola biləcəyini bildirirlər.

MERCOSUR (Cənub Ortaq Bazarı) 1991-ci ildə Cənubi Amerika ölkələri arasında iqtisadi və siyasi inteqrasiyanı dərinləşdirmək məqsədilə yaradılmış ticarət blokudur. Onun əsas hədəfi üzv ölkələr (Argentina, Braziliya, Paraqvay, Uruqvay, Boliviya) arasında malların, xidmətlərin və insanların sərbəst hərəkətini təmin etmək, həmçinin vahid xarici gömrük tarifinin tətbiqidir. Avropa İttifaqına bənzər şəkildə fəaliyyət göstərən bu blok regional ticarəti artırmağı və üzv ölkələrin beynəlxalq bazarlarda daha güclü və vahid mövqe ilə çıxış etməsini məqsəd qoyur.

Fransa Dijon fermerlər etiraz aksiya Mercosur ticarət saziş AB kənd təsərrüfatı peyin saman təkər ictimai binalar FNSEA istehsalçılar ittifaq UNPT səfərbərlik çağırış gəlir standartlar suverenlik rəqabət ədalətsiz fəaliyyət plan Avropa etirazlar razılaşma dekabr yanvar təsdiq Paraqvay imzalanma gömrük güzəştləri mal əti quş süd məhsulları şəkər etanol sənaye bazar ucuz idxal iflas ailə təsərrüfatları MERCOSUR Cənubi Amerika inteqrasiya iqtisadi siyasi Argentina Braziliya Uruqvay Boliviya ticarət blok gömrük tarifləri

17.01.2026 13:50