Azərbaycanda şirkətlərin sayı 204 mini də keçdi

Azərbaycanda şirkətlərin sayı 204 mini də keçdi

2025-ci ildə 14 mindən çoxşirkət dövlət qeydiyyatından keçib.

Azərbaycanda şirkətlərin sayı 204 mini də keçdi

2026-cı ilin yanvar ayının 1-nə respublika üzrə uçotda olan 1 milyon 674 min 984 vergi ödəyicisinin 86,8 faizi fiziki şəxslər, 13,2 faizi hüquqi şəxslər və digər təşkilatlar olub.

Dövlət Vergi Xidmətinin yaydığı məlumata görə, 2025-ci ilin əvvəli ilə müqayisədə vergi ödəyicilərinin ümumi sayı 4,9 faiz, o cümlədən fiziki şəxslərin sayı 4,6 faiz, hüquqi şəxslərin sayı 6,6 faiz artıb.

Yanvar ayının 1-nə qeydiyyatda olan kommersiya qurumlarının sayı 204 min 65 vahid təşkil edib ki, bu da əvvəlki illə müqayisədə 7,2 faiz çoxdur.

2025-ci ildə 14 min 51 vahid kommersiya qurumu dövlət qeydiyyatından keçib ki, onların 88,7 faizi yerli investisiyalı, 11,3 faizi xarici investisiyalıdır. Kommersiya qurumlarının 85,1 faizi elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi 96,5 faiz təşkil edib.

Dövlət qeydiyyatında olan kommersiya hüquqi şəxslərin 92 faizi məhdud məsuliyyətli cəmiyyət, 1,1 faizi səhmdar cəmiyyət, 1,1 faizi kooperativ və s. formalarda yaradılıb.

Qeyd edək ki, hüquqi şəxslər 3 qrupa ayrılır:

Kommersiya hüquqi şəxsləri - fəaliyyətinin əsas məqsədi mənfəət götürməkdən ibarət olan;

Qeyri-kommersiya hüquqi şəxsləri - əsas məqsədi mənfəət götürməkdən ibarət olmayan və götürülən mənfəəti iştirakçıları arasında bölüşdürməyən;

Publik hüquqi şəxslər - ümumdövlət və (və ya) ictimai əhəmiyyət daşıyan fəaliyyətlə məşğul olan qurumlar.

İş elanları AzVak.az-da

Azərbaycan vergi ödəyiciləri fiziki şəxslər hüquqi şəxslər vergi qeydiyyatı kommersiya qurumları dövlət qeydiyyatı elektron qeydiyyat yerli investisiyalı şirkətlər xarici investisiyalı şirkətlər məhdud məsuliyyətli cəmiyyətlər səhmdar cəmiyyətlər kooperativlər publik hüquqi şəxslər qeyri-kommersiya hüquqi şəxslər Dövlət Vergi Xidməti vergi statistikası investisiya qeydiyyatı Azərbaycan iqtisadiyyatı kommersiya subyektləri e-qeydiyyat biznes qeydiyyatı vergi artımı Marja.az xəbər hüquqi şəxs kateqoriyaları

15.01.2026 10:59