Qarabağ Dirçəliş Fondu İT sistemlərini “Hökumət buludu”na köçürüb

Qarabağ Dirçəliş Fondu İT sistemlərini “Hökumət buludu”na köçürüb

Qarabağ Dirçəliş Fondu İT sistemlərini “Hökumət buludu”na köçürüb

“Hökumət buludu”nun (G-cloud) yaradılması və “bulud” xidmətlərinin göstərilməsi sahəsində tədbirlər haqqında” Azərbaycan Respublikası Prezidentinin 718 nömrəli Fərmanının icrası davam etdirilir.

Qarabağ Dirçəliş Fondu da Fərmanın icrası çərçivəsində informasiya sistemləri və ehtiyatlarını “Hökumət buludu”na köçürən dövlət qurumları sırasına qatılıb.

Fondun əsas rəqəmsal resursları AZCON Holding şirkətlərindən olan “AzInTelecom” MMC-yə məxsus Bakı Data Mərkəzinə yerləşdirilib. “AzInTelecom” tərəfindən Qarabağ Dirçəliş Fonduna “Virtual server – IaaS” (İnfrastructure-as-a-Service) və “Rezervlənmə – BaaS” (Backup-as-a-Service) “bulud” xidmətlərinin göstərilməsi təmin edilib. Bununla qurum kritik sistemlərin yüksək əlçatanlığına nail olub.

Qeyd edək ki, “Hökumət buludu” layihəsi çərçivəsində dövlət qurumlarının İT sistemlərinin “AzInTelecom”a məxsus Bakı Əsas və Yevlax Ehtiyat Data Mərkəzlərinə tam və ya qismən miqrasiyası həyata keçirilir. Miqrasiya nəticəsində qurumların cari İT xərcləri azalır, informasiya sistemlərinin məhsuldarlığı artır. Beləliklə, təkmilləşdirilmiş informasiya təhlükəsizliyinə, dayanıqlı İT infrastrukturuna, keyfiyyətli servis təminatı və 24/7 monitorinq xidmətinə nail olunur.

“AzInTelecom” MMC “bulud” xidmətləri üzrə beynəlxalq standartları müəyyənləşdirən “TIER III” sertifikatını Cənubi Qafqaz regionunda əldə etmiş ilk qurumdur.

Qarabağ Dirçəliş Fondu İT sistemi Hökumət buludu G-cloud layihəsi bulud xidmətləri Azərbaycan AzInTelecom Bakı Data Mərkəzi Virtual server IaaS Backup-as-a-Service BaaS dövlət qurumları İT miqrasiyası informasiya sistemlərinin təhlükəsizliyi kritik sistemlərin əlçatanlığı dayanıqlı İT infrastrukturu informasiya texnologiyaları xərclərinin azalması sistem məhsuldarlığının artırılması 24/7 monitorinq xidməti TIER III sertifikatı Cənubi Qafqaz bulud xidmətləri dövlət İT infrastrukturunun təkmilləşdirilməsi rəqəmsal resursların buluda köçürülməsi.

13.01.2026 11:10