Tramp: Venesuela ABŞ-yə 30–50 milyon barel neft verəcək

Karakas və Vaşinqton Venesuela neftinin ABŞ-a ixracı ilə bağlı razılığa gəlib

Tramp: Venesuela ABŞ-yə 30–50 milyon barel neft verəcək

ABŞ Prezidenti Donald Tramp Venesueladakı müvəqqəti hökumətin ABŞ-yə 30–50 milyon barel neft təhvil verəcəyini bildirib.

Marja.az xəbər verir ki, Tramp mövzu ilə bağlı Truth Social adlı ABŞ mərkəzli sosial media platformasındakı hesabında paylaşım edib.

ABŞ Prezidenti Tramp Venesuela Prezidenti Nikolas Maduronun ələ keçirilməsi ilə nəticələnən ABŞ-ın hərbi müdaxiləsindən sonra ölkədə qurulan müvəqqəti hökumətin 30–50 milyon barel nefti ABŞ-yə təhvil verəcəyini qeyd edib.

Sözügedən neftin bazar qiymətindən satılacağını və vəsaitin “ABŞ Prezidenti olaraq öz nəzarətində olacağını” bildirən Tramp, “beləliklə, vəsaitin həm Venesuela xalqının, həm də ABŞ xalqının xeyrinə istifadə ediləcəyini” vurğulayıb.

Nə baş vermişdi?

Venesuelanın paytaxtı Karakasda 3 yanvar tarixində yerli vaxtla saat 02:00 radələrində partlayış və təyyarə səsləri eşidilmişdi.Venesuela hakimiyyəti partlayışlardan sonra ABŞ-ni ölkənin müxtəlif bölgələrində mülki və hərbi obyektlərə hücumlar təşkil etməkdə ittiham etmişdi.

ABŞ Prezidenti Donald Tramp Venesuela Dövlət Başkanı Nikolas Maduroya qarşı genişmiqyaslı hücum həyata keçirildiyini, Maduronun həyat yoldaşı ilə birlikdə ölkə xaricinə çıxarıldığını açıqlamışdı.

ABŞ-ın Ədliyyə naziri Pam Bondi də Maduro və həyat yoldaşı Siliya Flores barəsində ABŞ-da cinayət işi qaldırıldığını, Maduronun “narkotik terrorizmi, kokain qaçaqmalçılığı, ABŞ-yə qarşı dağıdıcı silahlara sahib olma” ittihamları ilə üzləşdiyini açıqlamışdı.

Venesuela hakimiyyəti ABŞ-nin qınanması üçün beynəlxalq ictimaiyyətə çağırış etmiş, bəzi ölkələr hücumu tənqid edərkən, açıqlamaları ilə ABŞ-yə dəstək verənlər də olmuşdu.

İş elanları AzVak.az-da

ABŞ Venesuela nefti Donald Tramp açıqlaması Venesuela müvəqqəti hökuməti ABŞ-a neft tədarükü 30–50 milyon barel neft Venesuela neft ehtiyatları ABŞ Venesuela münasibətləri Nikolas Maduro xəbərləri Venesuelada hərbi müdaxilə Karakas partlayışları Truth Social paylaşımı ABŞ enerji siyasəti Venesuela siyasi böhranı beynəlxalq neft bazarı geopolitik risklər neft ABŞ sanksiyaları Venesuela Maduroya qarşı ittihamlar ABŞ Ədliyyə Nazirliyi açıqlaması Venesuela ABŞ qarşıdurması dünya neft xəbərləri Marja.az beynəlxalq xəbərlər

07.01.2026 10:26