"Alphabet" şirkəti "Intersect Power"ı 4,75 milyard dollara satın alır

"Alphabet" şirkəti "Intersect Power"ı 4,75 milyard dollara satın alır

"Alphabet" şirkəti "Intersect Power"ı 4,75 milyard dollara satın alır

"Alphabet" şirkəti bərpa olunan enerji və məlumat mərkəzi infrastruktur həlləri təqdim edən "Intersect Power" şirkətini 4,75 milyard dollar nağd və mövcud borcları qarşılığında satın almağı qəbul edib.

Marja xəbər verir ki, sövdələşmə texnologiya nəhənginin süni intellekti dəstəkləmək üçün məlumat mərkəzi tutumunu əhəmiyyətli dərəcədə genişləndirmə səyləri çərçivəsində həyata keçirdiyi ən iri satınalmalardan biri olub.

Bazar ertəsi açıqlanan bu satınalma "Alphabet"in tərkibindəki Google üçün məlumat mərkəzlərinə daha geniş enerji istehsalı imkanlarına çıxış təmin etməyi hədəfləyir.

Bloomberg-in daha əvvəl bildirdiyi kimi, Google ötən il "Intersect" ilə məlumat mərkəzi kampuslarının yanında iri enerji stansiyalarının inşasına yönəlmiş tərəfdaşlığa girərək şirkətdə azlıq payı əldə etmişdi.

"Google" və "Alphabet"in baş icraçı direktoru Sundar Piçai mövzu ilə bağlı açıqlamasında bildirib: “Intersect" bizə gücümüzü genişləndirməyə, yeni məlumat mərkəzi yükləri ilə uyğun şəkildə yeni enerji istehsalı obyektləri qurarkən ABŞ-da innovasiya və liderliyi dəstəkləmək üçün enerji həllərini yenidən dizayn etməyə kömək edəcək.”

Açıqlamada qeyd olunub ki, satınalmanın 2026-cı ilin birinci yarısında tamamlanması gözlənilir.

“Texas enerjinin Disneylendıdir”

"Intersect" özəl investisiya şirkəti TPG tərəfindən dəstəklənən enerji istehsalçısıdır. "Intersect"in baş icraçı direktoru Sheldon Kimber Texası bol külək və günəş resurslarına görə “enerjinin Disneylendi” kimi xarakterizə edir.

İş elanları AzVak.az-da

23.12.2025 09:49