Amazon Web Services Azərbaycanda

Amazon Web Services Azərbaycanda

Azercell qlobal texnologiya lideri ilə strateji tərəfdaşlığını genişləndirir

Azercell dünyanın ən böyük bulud infrastrukturu və rəqəmsal texnologiyalar təminatçılarından biri olan Amazon Web Services (AWS) ilə strateji tərəfdaşlığını genişləndirir. Əməkdaşlığın yeni mərhələsində lider mobil operator ölkədə qabaqcıl infrastruktur həllərinin tətbiqini və texnoloji imkanların artırılmasını hədəfləyir.

Tərəfdaşlıq çərçivəsində korporativ müştərilər üçün xüsusi əhəmiyyət daşıyan hibrid bulud infrastrukturu, GPU texnologiyaları, Əşyaların İnterneti (IoT) üzrə analitika, süni intellekt, real vaxt rejimində interaktiv tətbiqlər (real-time gaming) və kənar hesablama (edge computing) kimi istiqamətlərin inkişafına xüsusi yer verilir. Bu həllərin lokal infrastrukturla inteqrasiyası xidmətlərin çevikliyini yüksəldərək, onların artan tələblərə asanlıqla uyğunlaşmasını təmin edir. Bununla bərabər sözügedən inteqrasiya məlumat suverenliyi (data sovereignty) prinsiplərinin tətbiqini daha etibarlı səviyyəyə yüksəldir.

AWS ilə əməkdaşlıq biznesin rəqəmsal transformasiyasını sürətləndirməklə yanaşı innovativ xidmətlərin tətbiqini genişləndirir və şirkətlərin texnoloji hazırlığını gücləndirir. Eyni zamanda, bu tərəfdaşlıq ölkədə startap ekosisteminin inkişafı və yüksək texnologiyalı layihələrin reallaşdırılması üçün əlverişli şərait yaradır.

Amazon Web Services ilə qurulan bu strateji əməkdaşlıq milli rəqəmsal infrastrukturun gücləndirilməsinə xidmət edir. Azercell bu kimi beynəlxalq təcrübə və innovativ həllər əsasında biznes sektoru üçün yeni imkanlar yaratmaqla yanaşı, ölkənin rəqəmsal iqtisadiyyatının inkişafına da töhfə verməyi hədəfləyir.

Azercell AWS tərəfdaşlığı Azercell Amazon Web Services AWS ilə strateji əməkdaşlıq Azercell bulud infrastrukturu hibrid bulud həlləri Azərbaycan korporativ bulud xidmətləri GPU texnologiyaları süni intellekt həlləri IoT analitika Əşyaların İnterneti Azərbaycan edge computing həlləri kənar hesablama texnologiyaları real-time gaming infrastrukturu real vaxt tətbiqləri data sovereignty məlumat suverenliyi rəqəmsal transformasiya Azərbaycan biznes üçün rəqəmsal həllər innovativ texnologiyalar milli rəqəmsal infrastruktur startap ekosistemi Azərbaycan yüksək texnologiyalı layihələr bulud texnologiyaları AWS cloud services rəqəmsal iqtisadiyyatın inkişafı

19.12.2025 08:49