ABŞ administrasiyası Rusiya Prezidenti Vladimir Putinin Ukrayna ilə mümkün sülh sazişinə razılıq verməməsi halında Moskva üzərində təzyiqi artırmaq məqsədilə yeni sanksiyalar paketi hazırlayır. Marja xəbər verir ki, paket çərçivəsində ABŞ Rusiyanın enerji aktivlərini hədəf alacaq.

Mənbələr bildirir ki, sözügedən sanksiyalar bu həftə ərzində elan oluna bilər. ABŞ-ın maliyyə naziri Skott Bessentin həftənin əvvəlində Avropa İttifaqına üzv ölkələrin Vaşinqtondakı səfirləri ilə keçirdiyi görüşdə bu planları gündəmə gətirdiyi qeyd olunur. Bessent görüşdən sonra verdiyi açıqlamada Vaşinqtonun əsas prioritetinin Ukrayna müharibəsini sona çatdırmaq olduğunu bildirib.

Yekun qərar Trampa məxsusdur

Rəsmilər yeni sanksiyalarla bağlı yekun qərarın ABŞ Prezidenti Donald Trampa aid olduğunu vurğulayırlar. 2022-ci ildə Rusiyanın Ukraynaya genişmiqyaslı işğalından sonra tətbiq edilən sanksiyalar Moskvanın mövqeyində ciddi dəyişiklik yaratmasa da, xüsusilə neft şirkətləri və ticarətinə yönəlmiş tədbirlər Rusiya iqtisadiyyatı üzərində təzyiqi artırıb. Bu dövrdə xam neftin qiymətləri də müharibənin başlanğıcından bəri ən aşağı səviyyələrə enib.

Danışıqlar davam edərkən fikir ayrılıqları qalır

Yeni sanksiya hazırlıqları ABŞ və Ukrayna nümayəndə heyətlərinin bu həftə mümkün sülh sazişinin şərtləri üzrə irəliləyiş əldə etdiyi bir vaxta təsadüf edir. Lakin Ukraynanın şərqindəki ərazilərin statusu, dondurulmuş Rusiya Mərkəzi Bankı aktivləri və Zaporojye Atom Elektrik Stansiyasının idarə olunması kimi məsələlərdə tərəflər arasında fikir ayrılıqları davam edir.

İş elanları AzVak.az-da

Putinin sözçüsü Dmitri Peskov çərşənbə günü jurnalistlərə bildirib ki, Kreml bəzi ABŞ rəsmilərinin Rusiyaya qarşı yeni sanksiyalar tətbiq etmək planlarını nəzərdən keçirdiklərindən xəbərdardır. O bildirib ki, istənilən sanksiyanın münasibətlərin bərpası prosesinə zərərli olduğu açıq-aydındır.

Xəbərdən sonra neft qısa müddətə bahalaşdı. Brent markalı neftin fyuçersləri bir barel üçün 70 sentə qədər yüksələrək 60,33 dollara ticarət edilib.

Rusiya 2022-ci ildə Ukraynaya qarşı tammiqyaslı müharibəyə başladıqdan bəri tətbiq edilən bir sıra sanksiyalar Putinin planlarını hələlik dəyişdirməyib. Lakin Moskvanın neft nəhənglərini və ticarətini hədəf alan tədbirlər xam neftin qiymətlərinin işğalın başlanğıcından bəri ən aşağı səviyyəyə düşməsinə səbəb olub və bu da ölkənin onsuz da problemli iqtisadiyyatına ciddi təzyiq göstərib.