OpenAI şirkəti (ChatGPT) Amazon ilə ən azı 10 milyard dollar həcmində investisiya cəlb edilməsi və süni intellekt üçün onun çiplərindən istifadə olunması barədə danışıqlar aparır.

Marja xəbər verir ki, Bu barədə "The Information" nəşri mənbələrə istinadən məlumat yayıb.

Mənbələrin sözlərinə görə, danışıqlar OpenAI-nin ChatGPT-nin yaradıcısı olan şirkətdə Microsoft-un 27% pay aldığı korporativ yenidənqurma prosesini oktyabr ayında başa çatdırmasından sonra başlayıb.

OpenAI-nnin Amazon ilə danışıqlar apardığını CNBC və Bloomberg-in məlumatlı mənbələri də təsdiqləyiblər.

Televiziya kanalının həmsöhbəti investisiya məbləğinin 10 milyard dolları aşa biləcəyini bildirib, lakin mümkün razılaşmanın detalları hələ dəqiqləşdirildiyini və dəyişə biləcəyini qeyd edib.

Agentliyin mənbəsinin təsdiqinə görə, danışıqlar ilkin mərhələdədir. O bildirib ki, razılaşma ChatGPT-nin yaradıcısı (OpenAI ) tərəfindən Amazon Web Services-in Trainium çiplərindən istifadəni nəzərdə tutur. CNBC-nin qeyd etdiyinə görə, Amazon-un bu yarımkeçirici bölməsi təxminən 2015-ci ildən süni intellekt üçün öz çiplərini hazırlayır. Şirkət 2018-ci ildə Inferentia çiplərini, 2025-ci ilin dekabr ayının əvvəlində isə Trainium çiplərinin son nəsil versiyasını təqdim edib. Məlumata əsasən, Trainium çipləri bazarda dominant mövqeyə malik Nvidia-nın qrafik prosessorları ilə müqayisədə daha ucuz və daha səmərəlidir.

Bloomberg-in mənbəsinin sözlərinə görə, 10 milyard dollarlıq investisiya sazişi nəticəsində OpenAI-nnin dəyəri 500 milyard dolları ötə bilər. Oktyabr ayında OpenAI əməkdaşlar üçün 6,6 milyard dollar həcmində ikinci dərəcəli səhm satışı həyata keçirdikdə, şirkətin dəyəri 500 milyard dollara yaxınlaşmışdı. Bu, ChatGPT-nin yaradıcısına İlon Maskın SpaceX şirkətini geridə qoyaraq dünyanın ən bahalı startapı olmağa imkan verib.

Son dövrlərdə OpenAI süni intellekt sahəsində fəaliyyət göstərən şirkətlərlə ümumilikdə 1 trilyon dollar həcmində müqavilələr bağlayıb. Bazarda OpenAI-ın “qızıl toxunuşu”ndan danışılmağa başlanıb, çünki onunla əməkdaşlıq edən şirkətlərin səhmləri onlarla faiz yüksəlir. Lakin Bloomberg-in qeyd etdiyinə görə, son aylarda Uoll-Strit analitikləri mümkün “köpük” formalaşması ilə bağlı xəbərdarlıqlar etməyə başlayıblar və diqqəti şirkətlərin öz məhsullarına çəkilən xərcləri dəstəkləmək üçün potensial müştərilərə böyük vəsait yatırmasına yönəldiblər.