AFB Bank müştəri xidmətlərinin əlçatanlığını və keyfiyyətini artırmaq məqsədilə filial şəbəkəsini genişləndirir. Bankın 12-ci satış nöqtəsi olan “Neftçilər” filialı bugündən rəsmi olaraq fəaliyyətə başlayıb.

Marja xəbər verir ki, yeni filialın açılış mərasimində AFB Bank-ın Müşahidə Şurasının sədri Vüsal Şahverdiyev, İdarə Heyətinin sədri Amid Qənbərov, İdarə Heyətinin üzvləri, filial direktoru, eləcə də Bankın biznes və digər departamentlərinin direktorları iştirak ediblər.

“Neftçilər” filialı müştərilərə AFB Bank-ın bütün əsas bank məhsul və xidmətlərini təqdim edəcək. Filialda istehlak kreditləri, biznes və KOB kreditləri, əmanətlər, hesablaşma, pul köçürmələri, valyuta mübadiləsi və digər bank xidmətlərindən yararlanmaq mümkündür.

AFB Bank müştəriyönümlü yanaşmanı əsas prinsip kimi qəbul edərək, paytaxt və regionlar üzrə bank xidmətlərinin daha çevik, rahat və əlçatan formada təqdim olunmasını prioritet hesab edir.

AFB Bank-ın İdarə Heyətinin sədri Amid Qənbərov yeni filialın açılışı ilə bağlı bildirib:

“‘Neftçilər’ filialının açılışı AFB Bank-ın inkişaf strategiyasının mühüm tərkib hissəsidir. Məqsədimiz müştərilərimizə daha yaxın olmaq, onların ehtiyaclarına operativ və keyfiyyətli bank həlləri təqdim etməkdir. Filial şəbəkəmizin genişləndirilməsi bank xidmətlərinin əlçatanlığını artırmaqla yanaşı, müştəri məmnuniyyətinin yüksəldilməsinə də xidmət edir.”

Qeyd edək ki, AFB Bank filial şəbəkəsinin genişləndirilməsi və xidmət modelinin təkmilləşdirilməsi istiqamətində fəaliyyətini bundan sonra da davam etdirməyi planlaşdırır. Hazırda AFB Bank ölkə üzrə 12 xidmət nöqtəsində müştərilərinə xidmət göstərir. Bank tərəfindən həyata keçirilən Transformasiya Strategiyası müştəriyönümlü həllərin genişləndirilməsini, rəqəmsal xidmətlərin inkişafını və həm fərdi, həm də biznes müştəriləri üçün daha əlverişli imkanların yaradılmasını hədəfləyir.

Neftçilər filialının ünvanı: Bakı şəhəri, Nizami rayonu, Musa Əliyev küçəsi, giriş 83. Əlaqə nömrəsi: 1545

İş elanları AzVak.az-da