Qızılın qiyməti tarixi maksimum səviyyəyə yaxınlaşıb

Qızılın qiyməti tarixi maksimum səviyyəyə yaxınlaşıb

Qızılın qiyməti tarixi maksimum səviyyəyə yaxınlaşıb

Qızılın qiyməti bazar ertəsi günü 1,1 faiz çox unsiya üzrə təxminən 4346 ABŞ dollarına yüksəlib və tarixi maksimum səviyyəyə yaxınlaşıb. Oktyabr ayınını 20-də qızılın unsiyasının qiyməti 4 min 381.44 dollar olmaqla tarixi ən yüksək səviyyəni (rekord) görüb.

İnvestorlar bu həftə ABŞ-da açıqlanacaq bir sıra əsas iqtisadi göstəriciləri ABŞ Federal Ehtiyat Sisteminin (FED) faiz siyasətinin gələcək trayektoriyası ilə bağlı əlavə ipucları əldə etmək üçün gözləyirlər. Diqqət əsasən çərşənbə axşamı açıqlanacaq məşğulluq hesabatına və cümə axşamı dərc ediləcək inflyasiya məlumatlarına yönələcək.

Ötən həftə FED ilin üçüncü 25 baza bəndlik faiz endirimini həyata keçirdi. Lakin qərar yekdilliklə qəbul edilmədi: üç FED rəsmisi qərara qarşı çıxdı və 2026-cı ildə mümkün əlavə yumşalmanın miqyası ilə bağlı fikirlər hələ də bölünmüş qalır. Faiz endiriminə qarşı səs verən iki FED rəsmisi cümə günü bildirib ki, inflyasiya hələ də həddən artıq yüksəkdir və faizlərin azaldılmasından əvvəl əlavə məlumatları gözləmək “daha ehtiyatlı” olardı.

Qızıl ilin əvvəlindən bu yana 65 faiz bahalaşıb və 1979-cu ildən bəri ən güclü illik artımını qeydə almağa doğru irəliləyir. Bu bahalaşma mərkəzi bankların güclü alışları, ETF-lərə yüksək həcmdə vəsait axını, təhlükəsiz liman tələbi, eləcə də investorların dövlət istiqrazları və valyutalardan uzaqlaşması ilə şərtlənir.

İş elanları AzVak.az-da

qızıl qızılqiymətləri qızılbazarları onsqızıl spotqızıl qızılfyüçersləri qızılinvestisiyası altın altınfiyatları altınpiyasası altınanalizi fed fedfaizqararı abşmərkəzibankı monetarsiyasət inflyasiya abşməşğulluq nonfarmemployment usdollar dollarindeksi abşxəzinəistiqrazları 10illikistiqraz gəlirlilik tahvilfaizləri qlobalbazarlar əmtəəbazarı qiymətproqnozu oanda investorlar tarixiqiymət unsiyaqiyməti illikartım etf etfinvestisiya təhlükəsizlikliman iqtisadi göstəricilər

15.12.2025 12:49