Qızılın bahalaşması yenidən sürətlənib

Qızılın bahalaşması yenidən sürətlənib

ABŞ-da kənd təsərrüfatı sektoru xaric məşğulluq artımı zəifləyərsə, dolların daha da ucuzlaşacağı qızılın qiymətinin 4380–4440 dollar aralığına yüksələcəyi proqnozlaşdırılır.

Bazar ertəsi günü dolların beynəlxalq bazarlarda zəifləməsi (ucuzlaşması) və ABŞ Xəzinə istiqrazlarının gəlirliliyinin azalması fonunda qızılın qiyməti yüksəlməkdə davam etdirib.

Marja xəbər verir ki, investorlar ABŞ Federal Ehtiyat Sisteminin (FED, ABŞ Mərkəzi Bankı) gələcək monetar siyasətinə dair siqnallar almaq üçün vacib əhəmiyyət daşıyan ABŞ məşğulluq göstəricilərinə fokuslanarkən, gümüş ötən həftə qeydə alınan rekord seriyadan sonra nisbətən sabitləşib.

VTB-də minimal faiz dərəcəsi ilə nağd kredit 10.49%-dən

Bakı vaxtı ilə saat 09:30-a olan məlumata görə, qızıl 0,7 faiz də bahalaşaraq unsiyası 4328 ABŞ dollarına yüksəlib. Külçə qızıl ilin əvvəlindən bu yana təxminən 64 faiz dəyər qazanıb. ABŞ qızıl fyuçersləri isə 0,6 faiz artımla unsiyası 4354 dollar səviyyəsinə çatıb.

Dollar indeksi ötən həftə müşahidə olunan son iki ayın minimumuna yaxın səviyyədə qalır ki, bu da qızılı xarici alıcılar üçün daha cəlbedici edir. Eyni zamanda, 10 illik ABŞ Xəzinə istiqrazlarının gəlirliliyi də bir qədər geriləyib.

OANDA-nın baş bazar analitiki Kelvin Vonq (Kelvin Wong) bildirib:

"Qızılın ABŞ-da kənd təsərrüfatından kənar məşğulluq göstəriciləri açıqlanana qədər güclü tendensiyasını qoruması ehtimal olunur. Əmək bazarında zəifləməyə dair əlamətlər dolların daha da ucuzlaşmasına səbəb ola bilər və 4243 dollarlıq dəstək zonasından sonra baş verən güclü bərpadan sonra qiymətlərin 4380–4440 dollar aralığına yönəlməsinə səbəb ola bilər".

Bazarlar FED-in ötən həftə nadir rast gəlinən parçalanmış qərarla faiz dərəcəsini 25 baza bəndi azaltmasından sonra qurumun siyasət perspektivinə diqqət yetirir. FED inflyasiyanın hələ də davamlı qalması və əmək bazarı ilə bağlı qeyri-müəyyənliklər səbəbindən faiz endirimlərinə fasilə verilə biləcəyinə işarə edib. Qərara qarşı çıxan iki FED rəsmisi inflyasiyanın daha yumşaq monetar siyasəti əsaslandıracaq səviyyədə azalmadığını bildirib. İnvestorlar hazırda gələn il iki faiz endirimi gözləntilərini qiymətlərə daxil ediblər və bu həftə açıqlanacaq ABŞ məşğulluq hesabatı bu gözləntilər üçün mühüm sınaq hesab olunur.

Gümüşün qiyməti 0,8 faiz artaraq unsiyası 62,48 dollara yüksəlib. Gümüş cümə günü 64,65 dollarla tarixi rekord səviyyəni gördükdən sonra enişlə ticarəti başa vurmuşdu. Gümüş azalan ehtiyatlar, güclü sənaye tələbi və ABŞ-ın vacib minerallar siyahısına daxil edilməsi fonunda ilin əvvəlindən bu yana 115 faiz bahalaşıb.

İş elanları AzVak.az-da

qızıl qızılqiymətləri qızılbazarları onsqızıl spotqızıl qızılfyüçersləri qızılinvestisiyası altın altınfiyatları altınpiyasası altınanalizi fed fedfaizqararı abşmərkəzibankı monetarsiyasət inflyasiya abşməşğulluq nonfarmemployment usdollar dollarindeksi abşxəzinəistiqrazları 10illikistiqraz gəlirlilik tahvilfaizləri qlobalbazarlar əmtəəbazarı qiymətproqnozu oanda kelvinwong dəstəksəviyyəsi texnikianaliz gümüş gümüşqiymətləri onsgümüş gümüşrekordu sənayetələbi qiymətartımı qiymətyüksəlişi investorlar qlobaliqtisadiyyat

15.12.2025 09:26