Qırğız nümayəndə heyəti “Abşeron” Ticarət Mərkəzində sahibkarlarla görüşüb

Qırğız nümayəndə heyəti “Abşeron” Ticarət Mərkəzində sahibkarlarla görüşüb

Elnur Osmanov: 300 hektara yaxın ərazidə yerləşən “Abşeron” Ticarət Mərkəzi hazırda 1500-dən çox mağazanı özündə birləşdirir

Qırğız nümayəndə heyəti “Abşeron” Ticarət Mərkəzində sahibkarlarla görüşüb

Qırğız Respublikasının Nazirlər Kabineti sədrinin müavini Bakıt Torobayevin rəhbərlik etdiyi nümayəndə heyəti “Abşeron” Ticarət Mərkəzində olub.

İqtisadi və humanitar sahələrdə əməkdaşlıq üzrə Azərbaycan-Qırğızıstan birgə hökumətlərarası komissiyanın 6-cı iclasında iştirak məqsədilə ölkəmizdə səfərdə olan qırğız nümayəndə heyəti ticarət mərkəzində Azərbaycanda kiçik və orta bizneslər üçün yaradılmış şəraitlə tanış edilib.

Görüşdə Qırğızıstanın 15-dən artıq nazirlik və digər dövlət qurumlarını təmsil edən nazir müavinləri, müşavir və digər rəhbər vəzifəli şəxslər, Qırğız Respublikasının Azərbaycan Respublikasındakı səfiri Maksat Mamıtkanov və Azərbaycan Respublikasının Qırğız Respublikasındakı səfiri Lətif Qəndilov, Azərbaycan-Qırğızıstan İnkişaf Fondunun həmsədrləri Zamirbek Osmonov və İqbal Babayev, ReefGroup şirkətinin rəhbəri Azər Şükürov, Xəzər Beynəlxalq Fondunun rəhbəri Adəm Bakuvi iştirak ediblər.

“Abşeron” Ticarət Mərkəzi Müşahidə Şurasının üzvü Elnur Osmanov geniş təqdimatla çıxış edərək, qonaqları Mərkəzlə tanış edib. Qonaqlara məlumat verilib ki, “Abşeron” Ticarət Mərkəzi sahibkarlığa dəstəyi ilə yanaşı, müasir şəhərsalmada dünyada mövcud trendlərin ifadəsidir. 300 hektara yaxın ərazidə yerləşən Mərkəz hazırda 1500-dən çox mağazanı özündə birləşdirir. Sahəsinə, planlanmasına və imkanlarına görə “Abşeron” Ticarət Mərkəzi Avropanın və Yaxın Şərqin bir çox ticarət mərkəzləri ilə müqayisə oluna bilər.

Təqdimatdan sonra ticarət mərkəzini gəzən qonaqlar sahibkarlarla görüşüb, onlar üçün yaradılmış şərait və verilən imtiyazlarla maraqlanıblar.

İş elanları AzVak.az-da

Qırğız nümayəndə heyəti Abşeron Ticarət Mərkəzi sahibkar görüş Bakıt Torobayev nazirlər kabineti İqtisadi humanitar əməkdaşlıq Azərbaycan-Qırğızıstan hökumətlərarası komissiya iclas kiçik orta biznes şərait nazirlik dövlət qurumlar nazir müavinləri müşavir rəhbər əsas şəxslər səfir Maksat Mamıtkanov Lətif Qəndilov Azərbaycan-Qırğızıstan İnkişaf Fondu Zamirbek Osmonov İqbal Babayev ReefGroup Azər Şükürov Xəzər Beynəlxalq Adəm Bakuvi Müşahidə Şura Elnur Osmanov təqdimat modern şəhərsalmada trendlər 300 hektar 1500 mağaza Avropa Yaxın Şərq imtiyaz şərait

08.12.2025 11:50