SOCAR-ın ortaq olduğu “Üstyurt” Əməliyyat Şirkətinin ofisi açılıb

SOCAR-ın ortaq olduğu “Üstyurt” Əməliyyat Şirkətinin ofisi açılıb

SOCAR-ın ortaq olduğu “Üstyurt” Əməliyyat Şirkətinin ofisi açılıb

Özbəkistanın paytaxtı Daşkənd şəhərində Azərbaycan Dövlət Neft Şirkətinin (SOCAR) və "Uzbekneftegaz"ın birgə əməkdaşlığı ilə yaradılmış “Üstyurt” Əməliyyat Şirkətinin ofisinin açılış mərasimi keçirilib.

Açılış mərasimində “Uzbekneftegaz” Səhmdar Cəmiyyətinin İdarə Heyətinin sədri Baxodirjon Sidiqov, SOCAR-ın vitse-prezidenti Arzu Cavadova, layihə komandalarının üzvləri, eləcə də layihənin ərsəyə gəlməsinə töhfə verən dövlət qurumlarının nümayəndələri iştirak ediblər.

VTB-də minimal faiz dərəcəsi ilə nağd kredit 9.9%-dən

Çıxışlarda “Üstyurt” Əməliyyat Şirkətinin geoloji-kəşfiyyat potensialının inkişafına, bu sahədə qabaqcıl texnologiyaların tətbiqinə və regionun enerji dayanıqlığının gücləndirilməsinə əhəmiyyətli töhfə verəcəyi vurğulanıb. Bildirilib ki, şirkətin yaradılması və ofisin açılması Azərbaycan və Özbəkistan arasında mövcud olan möhkəm dostluq və qardaşlıq münasibətlərinin nəticəsidir. İki ölkə başçısının siyasi iradəsi və ali dövlət səviyyəsində dəstək bu kimi mühüm layihələrin həyata keçirilməsi və onların uğurlu icrasına zəmin yaradır.

Qeyd edək ki, “Üstyurt” investisiya bloklarının (Boyterak, Terenqquduq, Birqori, Xaroy, Qoraqalpoq və Qulboy) kəşfiyyatı, işlənməsi və hasilatı üzrə Pay Bölgüsü Sazişi Azərbaycan–Özbəkistan enerji əməkdaşlığı strategiyasının həyata keçirilməsində mühüm mərhələ hesab olunur.

Operator şirkətin ofisinin istifadəyə verilməsi layihənin aktiv əməliyyat mərhələsinə keçdiyini göstərir. Qısa müddət ərzində zəruri hazırlıq işləri yerinə yetirilib: operator qeydiyyatdan keçirilib, vacib lisenziyalar əldə olunub və geoloji-kəşfiyyat işlərinin başlanmasına dair prosedurlar icra olunub.

SOCAR Uzbekneftegaz ÜstyurtƏməliyyatŞirkəti Daşkənd ofisaçılışı geolojikəşfiyyat enerjidayanıqlığı AzərbaycanÖzbəkistan enerjiəməkdaşlığı BaxodirjonSidiqov ArzuCavadova investisiyablokları Boyterak Terenqquduq Birqori Xaroy Qoraqalpoq Qulboy PayBölgüsüSazişi operatorşirkət kəşfiyyatvəhasilat enerjistrategiyası regionalenerji təhlükəsizlik qabaqcıltexnologiyalar

05.12.2025 18:15