Türkiyədə inflyasiya göstəricisində noyabr sürprizi: 30 ayın ən aşağı səviyyəsinə düşüb

Türkiyədə inflyasiya göstəricisində noyabr sürprizi: 30 ayın ən aşağı səviyyəsinə düşüb

Türkiyədə inflyasiya göstəricisində noyabr sürprizi: 30 ayın ən aşağı səviyyəsinə düşüb

Türkiyə Statistika İdarəsinin (TÜİK) məlumatına görə, noyabr ayında ölkədə Ümumi İstehlak Qiymətləri İndeksi (inflyasiya göstəricisi) 0,87% artıb, illik artım isə 31,07% təşkil edib. Beləliklə, aylıq müqayisədə 2023-cü ilin may ayından bəri ən aşağı inflyasiya müşahidə olunub. İllik müqayisədə isə inflyasiya son 48 ayın ən aşağı səviyyəsinə enib.

Qidada 0,69% azalma

VTB-də minimal faiz dərəcəsi ilə nağd kredit 9.9%-dən

TÜİK məlumatına görə, ən yüksək çəkiliyə malik üç əsas xərc qrupunda noyabr ayı üzrə qiymət hərəkətləri fərqli istiqamətlərdə olub. Qida və spirtsiz içkilərdə aylıq 0,69% azalma baş verib və bu qrupun ümumi inflyasiyaya təsiri -0,17 faiz bəndi kimi hesablanıb.

Nəqliyyat və mənzil

Nəqliyyat qrupunda qiymətlər 1,78% artıb və ümumi indeksə 0,27 faiz bənd təsir edib.

Mənzil qrupunda qiymətlər 1,70% yüksəlib və bu artımın aylıq inflyasiyaya təsiri 0,29 faiz bənd olub.

İllik

Qida və spirtsiz içkilərdə illik artım 27,44% olub və bu qrupun illik inflyasiyaya təsiri 6,83 faiz bəndi təşkil edib.

Nəqliyyat qrupunda qiymətlər illik 29,23% artıb və illik inflyasiyaya 4,55 faiz bəndi təsir edib.

Mənzil qrupu üç əsas kateqoriya arasında ən yüksək illik artımı göstərib; 49,92% yüksəliş bu kateqoriyanın illik inflyasiyaya 7,57 faiz bəndi təsir etməsinə səbəb olub.

İndeksə daxil olan 143 əsas maddədən 108-də qiymət artımı, 28-də azalma, 7 maddədə isə dəyişiklik olmayıb.

Türkiyə Cümhuriyyəti Mərkəzi Bankı (TCMB) 2025-ci ilin sonu üçün inflyasiya proqnoz aralığını 31-33% səviyyəsinə yüksəltmişdir. 2026-cı ilin sonu üçün isə inflyasiyanın 13-19% aralığında azalacağı proqnozu qorunub.

03.12.2025 11:28