“Ağ metal” yeni həftəyə də rekordla başlayıb - "Sarı metal"ı belə geridə qoyub

“Ağ metal” yeni həftəyə də rekordla başlayıb - "Sarı metal"ı belə geridə qoyub

Gümüşün qiyməti 58 dollara yaxınlaşıb.

“Ağ metal” yeni həftəyə də rekordla başlayıb - "Sarı metal"ı belə geridə qoyub

Gümüş, davam edən təklif çatışmazlığı və ABŞ-da faiz endirimi gözləntilərinin artması fonunda treyderlərin “ağ metal”a spekulyativ mərc etmələri nəticəsində 2 faizdən çox yüksəlişlə rekord səviyyəyə çatıb. Qızılın qiyməti isə sabit qalıb.

Marja xəbər verir ki, dekabr ayının ilk ticarət günündə gümüşün unsiyasının qiyməti 57,86 dolları test edib.

Beləliklə, ardıcıl altı gün bahalaşan gümüş, bu il dəyərini ikiqat artıraraq təxminən 60 faiz bahalaşan qızılı belə geridə qoyub.

Oktyabr ayında dünyanın ən böyük gümüş ticarət mərkəzi olan Londona rekord həcmdə metal axını olub. Bu vəziyyət qlobal miqyasda digər mərkəzlərə də təzyiq göstərib. Şanxay Fyuçers Birjasına bağlı anbarlarda ehtiyatlar birja məlumatına görə son on ilin ən aşağı səviyyəsinə enib.

"ANZ Group Holdings Ltd"nin əmtəə strateqi Daniel Hynes bildirib: “Son dövrlərdə Londona axının nəticəsi olaraq qlobal bazarda yaşanan qıtlıq hələ də hiss olunur. Qızıl bir qədər nəfəs alarkən, investorlar diqqətlərini gümüşə yönəldiblər”.

"Pepperstone Group Ltd"nin analitiki Ahmad Assiri isə gümüşün son dövrlərdə bahalaşmasının “getdikcə daha çox spekulyativ axınlardan qaynaqlandığını” söyləyib.

İş elanları AzVak.az-da

gümüş qiyməti gümüş bahalaşması gümüş rekord səviyyə gümüş uns qiyməti gümüş bazarı qızıl qiyməti sabit təklif çatışmazlığı ABŞ faiz endirimi gözləntiləri ağ metal bazarı gümüşə yatırım Londonda gümüş axını qlobal gümüş qıtlığı Şanxay Fyuçers Birjası ehtiyatları gümüş ehtiyatları azalır Daniel Hynes açıqlaması Ahmad Assiri analizi spekulyativ axınlar gümüş gümüş ticarəti gümüş bazarında dinamika gümüş qiymət artımı 2025

01.12.2025 11:06