Almaniyanın nəhəng maliyyə qurumu Deutsche Bank 2026-cı il üçün qızıl qiyməti proqnozunu artırıb.

Marja xəbər verir ki, Bank əvvəllər 1 unsiya qızılın 4 000 dollar olaraq açıqladığı orta qiymət proqnozunu 4,450 dollara yüksəldib. Bu yeniləmənin əsas səbəbi investor axınlarında stabilliyin təmin olunması və mərkəzi bankların güclü alış marağının davam etməsi göstərilib.

Bankın yeni proqnoza görə, 2026-cı ildə qızılın  unsiyasının 3950 ilə 4950 dollar aralığında ticarət edəcəyi gözlənilir. Qeyd olunub ki, proqnozlaşdırılan yuxarı hədd COMEX-də ticarət olunan 2026-cı ilin dekabr ayına olan qızıl fyuçersinin mövcud səviyyəsindən təxminən 14% yüksəkdir.

2027 və 2028-ci il proqnozları da açıqlanıb. Deutsche Bank-ın uzunmüddətli proqnozlarına görə, qızılın 2027-ci ildə orta qiyməti 5150 dollar, 2028-ci ildə isə 4500 dollar səviyyəsində olacağı gözlənilir. Bank qızıla uzun müddət ərzində güclü tələbat olacağını bildirir.

İş elanları AzVak.az-da

Gümüş, platin və paladyum üçün də proqnozlar açıqlanıb. Deutsche Bank 2026, 2027 və 2028-ci illər üçün gümüş, platin və paladyumun orta qiymətlərini təqdim edib:

Gümüş: 2025-ci il orta qiymət 38,8 dollar, 2026-cı il üçün orta qiymət 55,1 dollar, 2026-cı ilin I rübündə 51,7 dollar, IV rübündə 58,5 dollar, 2027 və 2028-ci illər üçün orta qiymətlər müvafiq olaraq 60,0 və 55,0 dollar.

Platin: 2025-ci il orta qiymət 1253 dollar, 2025-ci ilin IV rübü 1575 dollar, 2026-cı ilin I rübü 1630 dollar, IV rübü 1840 dollar, 2026-cı il orta qiyməti 1735 dollar, 2027 və 2028-ci illər üçün proqnozlar 2040 və 1750 dollar.

Paladyum: 2025-ci il orta qiymət 1137 dollar, 2025-ci ilin IV rübü 1420 dollar, 2026-cı ilin I rübü 1470 dollar, IV rübü 1660 dollar, 2026-cı il orta qiyməti 1565 dollar, 2027 və 2028-ci illər üçün proqnozlar 1840 və 1570 dollar.

Əlavə edək ki, Bank of Amerika (BofA), qızıl qiymətlərində yeni ildə rekord gözləyir. Bank qızılın 2026-cı ildə 5000 dollara çatacağını proqnozlaşdırır. Banka görə, 2026-cı ildə qızıl orta hesabla 4538 dollar/unsiyasəviyyəsində ticarət olunacaq.