Rusiya nefti Hindistanını neft emalı zavodlarına ABŞ-ın "Rosneft" və "Lukoyl"-a qarşı sanksiyaları fonunda ən azı iki ilin ən aşağı qiymətinə təklif olunur.

Marja.az xəbər verir ki, bu barədə Bloomberg mənbələri bildiriblər.

Onlar qeyd ediblər ki, Urals neftinə Hindistan üçün endirim barelə görə 7 ABŞ dollarına çatıb, halbuki yeni sanksiyalar tətbiq olunmazdan əvvəl bu, barelə görə 3 ABŞ dolları idi.

Məlumata görə, Urals markalı neft üzrə Brent etalon neftinə nisbətən, çatdırılma xərcləri daxil olmaqla, Hindistanın neft emalı zavodları üçün endirim barelə görə 7 dollara yüksəlib. Təklif dekabrda yüklənən və yanvarda Hindistana çatacaq partiyalar üçün keçərlidir.

Yeni sanksiyalardan əvvəl endirim təxminən barelə görə 3 dollar təşkil edirdi.

22 oktyabrda  ABŞ Xarici Aktivlərə Nəzarət İdarəsi (OFAC) “Rosneft”, “Lukoil” və onların 34 törəmə şirkətinə qarşı əlavə sanksiyalar tətbiq edib. Səbəb kimi Rusiyanın “sülh prosesinə ciddi maraq göstərməməsi” göstərilib.

Bu fonda Hindistanın bir çox neft emalı zavodları Rusiya neftinə sifariş verməkdən imtina etmişdi, – Bloomberg qeyd edir. Lakin son günlər Urals markalı neftin daha da ucuzlaşması səbəbindən vəziyyət dəyişib və bəzi emal müəssisələri artıq sanksiya tətbiq olunmayan təchizatçılardan Rusiya nefti almağa hazır olduqlarını bildiriblər.

Eyni zamanda mənbələr etiraf ediblər ki, təklif olunan partiyaların yalnız beşdə biri sanksiya siyahısında olmayan şirkətlər tərəfindən tədarük olunur.

Reuters-in hesablamalarına görə, Rusiyanın neft-qaz gəlirləri noyabr ayında ötən ilin eyni dövrü ilə müqayisədə təxminən 35% azalaraq 520 milyard rubl (6,59 milyard dollar) təşkil edə bilər. Bu, həmçinin oktyabr ayı ilə müqayisədə 7,4% azdır.

Agentliyin məlumatına görə, ilin ilk 11 ayında Rusiyanın neft-qaz gəlirləri illik ifadədə 22% azalaraq 8 trilyon rubla düşə bilər. Vergitutma məqsədləri üçün Rusiya neftinin qiyməti 68,3 dollardan 57,3 dollara enib. Rublun məzənnəsi isə bir dollar üçün 91,7-dən 81,1-ə qədər möhkəmlənib.