Kapital Bank və Təhsil Tələbə Kredit Fondu memorandum imzaladı

Kapital Bank və Təhsil Tələbə Kredit Fondu memorandum imzaladı

Kapital Bank və Təhsil Tələbə Kredit Fondu memorandum imzaladı

Kapital Bank gənclərin təhsili və peşəkar inkişafına dəstək göstərmək istiqamətində fəaliyyətini genişləndirməkdə davam edir.

Marja xəbər verir ki, bu çərçivədə Təhsil Tələbə Kredit Fondu ilə Kapital Bank arasında əməkdaşlıq memorandumu imzalanıb.

VTB-də minimal faiz dərəcəsi ilə nağd kredit 9.9%-dən

Sənədi Kapital Bank-ın İdarə Heyətinin üzvü, İnsan kapitalı və Təşkilati inkişaf üzrə Baş inzibatçı Fərqanə Məmmədova və Fondun İdarə Heyətinin sədri Bəhruz Əzimov imzalayıblar.

Memorandumun əsas məqsədi tələbələrin bilik və bacarıqlarının artırılması, onların əmək bazarına daha hazırlıqlı şəkildə daxil olmasına dəstək göstərmək və gənclərin karyera perspektivlərini genişləndirməkdir. Əməkdaşlıq çərçivəsində tələbələr Kapital Bank-ın müxtəlif struktur bölmələrində istehsalat təcrübəsi və xüsusi təcrübə proqramlarında iştirak etmək imkanı əldə edəcəklər. Bu təşəbbüs tələbələrə real iş və biznes mühitində fəaliyyət göstərmək, müasir bankçılıq prosesləri və idarəetmə prinsipləri ilə yaxından tanış olmaq imkanı yaradacaq.

Memorandum çərçivəsində həmçinin Kapital Bank-ın aparıcı mütəxəssisləri tərəfindən təşkil olunacaq təlim və inkişaf proqramlarına çıxış nəzərdə tutur. Tələbələr üçün keçiriləcək seminar və vörkşoplar onların şəxsi və peşəkar inkişafına töhfə verəcək, bank sektorunun iş prinsipləri, müasir trendlər və innovativ yanaşmalar barədə biliklərini daha da zənginləşdirəcək. Bu əməkdaşlıq Kapital Bank-ın gənclərin təhsilinə və inkişafına dəstək missiyasının davamı olmaqla yanaşı, ölkənin əmək bazarında daha rəqabətqabiliyyətli və hazırlıqlı kadrların yetişdirilməsinə də mühüm töhfə verəcək.

Ölkənin birinci bankı Kapital Bank PAŞA Holding-ə daxildir və Azərbaycanda ən böyük filial şəbəkəsi, 115 filialı və 50 şöbəsi ilə müştərilərin xidmətindədir.

Kapital Bank Təhsil Tələbə Kredit Fondu əməkdaşlıq memorandumu gənclərin təhsili peşəkar inkişaf tələbə təcrübə proqramı istehsalat təcrübəsi bank təlimləri karyera inkişafı Fərqanə Məmmədova Bəhruz Əzimov təlim və inkişaf proqramları seminarlar vörkşoplar bankçılıq prosesi PAŞA Holding Azərbaycanın əmək bazarı tələbə dəstəyi təhsil layihələri kadr hazırlığı

24.11.2025 16:54