Fiat Chrysler-dən ABŞ-a 1 milyard dollar investisiya

Fiat Chrysler-dən ABŞ-a 1 milyard dollar investisiya

Fiat Chrysler-dən ABŞ-a 1 milyard dollar investisiya

Dünyanın ən böyük avtomobil istehsalçılarından biri olan Fiat Chrysler ABŞ-da 1 milyard dollarlıq sərmayə qoyacağını açıqlayıb.

Fiat Chrysler-dən edilən açıqlamada, şirkətin, ABŞ-ın Miçiqan və Ohayo ştatlarında yerləşən zavodlarında modernləşmə üçün ümumilikdə 1 milyard dollar məbləğində sərmayə qoyacağı bildirilib. Açıqlamada həmçinin, həmin investisiyanın 2 min nəfərlik yeni məşğulluq yaradacağı qeyd olunub.

VTB-də minimal faiz dərəcəsi ilə nağd kredit 9.9%-dən

Şirkətin 2009-dan bu yana ABŞ-da 9,6 milyard dollardan çox investisiya qoyduğu bildirilən açıqlamada, bunun bu günə qədər 25 min nəfərlik məşğulluq yaratdığı qeyd edilib.

Açıqlamanın ardından, Fiat Chrysler-in səhminin qiyməti Nyu-York Birjasında 1,6 faiz artmışdır.

Bundan başqa, ABŞ Prezidenti seçilən Donald Trump, bu gün Twitter hesabı vasitəsilə Fiat Chrysler-ə təşəkkür edib.

Seçki kampaniyası zamanı, şirkətlərin ölkə xaricində istehsal etmələrini sərt bir dillə tənqid edən və şirkətlərin ABŞ-a geri dönərək ölkə daxilində sərmayə qoyması və məşğulluq yaratması lazım olduğunu vurğulayan Trump, bugünkü mesajında "Ən sonunda baş verir. Fiat Chrysler investisiya planını elan etdi" ifadəsini istifadə edib.

Trump mesajında həmçinin, ABŞ-ın ən böyük ikinci avtomobil istehsalçısı Ford-un keçən həftəki investisiya qərarına da işarə edərək, Forda da təşəkkür edib.

Ford keçən həftə, Meksikadakı 1,6 milyard dollarlıq investisiyanı ləğv etməyi planlaşdırdığını, bunun əvəzinə Miçiqan ştatında 700 milyon dollarlıq sərmayə qoyacağını və 700 nəfərlik yeni iş yeri yaradacağını bildirmişdi.

09.01.2017 18:46