Tesla səhmdarları Elon Musk-a 1 trilyon dollarlıq ödənişi təsdiqləyib

Tesla səhmdarları Elon Musk-a 1 trilyon dollarlıq ödənişi təsdiqləyib

Hədəflər arasında Tesla-nın yeni robotaksi (sürücüsüz taksi) biznesini genişləndirmək və şirkətin bazar dəyərini əlavə 7,5 trilyon dollar artırmaq kimi məqsədlər də var.

Tesla səhmdarları Elon Musk-a 1 trilyon dollarlıq ödənişi təsdiqləyib

Tesla şirkətinin səhmdarları, Baş İcraçı Direktor (CEO) Elon Musk-a performans hədəflərinə çatmaq şərti ilə təxminən 1 trilyon dollarlıq ödəniş paketinin verilməsini təsdiqləyiblər.

Marja xəbər verir ki, Texas ştatının Ostin şəhərində keçirilən illik səhmdarlar yığıncağında “2025 CEO Performans Mükafatı” da daxil olmaqla bir sıra təkliflər üzrə səsvermə aparılıb.

VTB-də minimal faiz dərəcəsi ilə nağd kredit 9.9%-dən

Səhmdarların 75 faizdən çoxu Musk-a ödənişin verilməsini nəzərdə tutan təklifin lehinə səs verib.

Performans şərtləri

Musk-ın bu ödənişi tam şəkildə ala bilməsi üçün müəyyən performans hədəflərini yerinə yetirməsi tələb olunur.

Sentyabr ayında səhmdarlara göndərilən məktubda Tesla-nın Direktorlar Şurası qeyd edib ki, əgər Musk şirkətə “fövqəladə maliyyə gəlirləri” qazandırsa və gələcək illərdə Tesla-da liderliyini davam etdirərsə, bu ödəniş həyata keçiriləcək.

Məktubda göstərilib ki, hədəflər arasında Tesla-nın yeni robotaksi (sürücüsüz taksi) biznesini genişləndirmək və şirkətin bazar dəyərini əlavə 7,5 trilyon dollar artırmaq kimi məqsədlər də var. Hazırda Tesla-nın bazar dəyəri 1,5 trilyon dollara yaxındır.

Bundan əlavə, Musk-ın mükafatı tam şəkildə ala bilməsi üçün 7,5–10 il ərzində şirkətdə qalması şərti də müəyyən edilib.

Əgər Tesla-nın bazar dəyəri 8,5 trilyon dollara yüksələrsə, Musk-a şirkətin təxminən 12 faiz səhm payı veriləcək.

Beləliklə, bu ödəniş paketinin ümumi dəyərinin təxminən 1 trilyon dollar olacağı bildirilir.

07.11.2025 11:21