Amazon şirkətinin satışları artıb - 3 ayda 180 milyard dollar gəlir

Amazon şirkətinin satışları artıb - 3 ayda 180 milyard dollar gəlir

Amazon şirkətinin satışları artıb - 3 ayda 180 milyard dollar gəlir

ABŞ-ın elektron ticarət nəhəngi Amazon şirkəti 2025-ci ilin iyul-sentyabr dövrünə aid maliyyə hesabatlarını açıqlayıblar.

Marja.az xəbər verir ki, Amazon-un hesabatı şirkətin satışlarının bu ilin üçüncü rübündə artdığını göstərib.

Amazon-un xalis satışları bu ilin üçüncü rübündə ötən ilin eyni dövrü ilə müqayisədə 13 faiz artaraq 180,2 milyard dollara yüksəlib. Şirkətin xalis satışları ötən ilin üçüncü rübündə 158,9 milyard dollar olaraq qeydə alınmışdı.

Bu dövrdə Amazon-un bulud hesablama xidməti göstərən Amazon Web Services (AWS) bölməsinin satışları illik 20 faiz artaraq 33 milyard dollara çatıb.

Amazon-un xalis mənfəəti də ilin üçüncü rübündə 21,2 milyard dollara yüksəlib. Şirkət ötən ilin eyni dövründə 15,3 milyard dollar xalis mənfəət əldə etmişdi.

Elektron ticarət nəhənginin ötən ilin üçüncü rübündə 1,43 dollar olan bir səhmə düşən mənfəəti bu ilin eyni dövründə 1,95 dollara yüksəlib.

Amazon ilin dördüncü rübündə isə 206 milyard dollar ilə 213 milyard dollar arasında xalis satış gözlədiyini açıqlayıb.

Amazon-un baş direktoru Andy Cassy şirkətin maliyyə nəticələrinə dair qiymətləndirməsində, süni intellektin işlərinin hər sahəsində mühüm təkmilləşdirmələr təmin etməsi ilə birlikdə güclü bir dinamika və artım görməyə davam etdiklərini bildirib.

amazon maliyyə hesabatı 2025 üçüncü rüb xalis satışlar mənfəət Amazon Web Services AWS bulud hesablama süni intellekt Andy Cassy e-ticarət texnologiya şirkəti gəlir artımı səhm mənfəəti rüblük nəticələr dördüncü rüb proqnozu Marja.az ABŞ iqtisadiyyatı biznes inkişafı

31.10.2025 10:59