İmişlidə 33 milyon manatlıq zavod istifadəyə verildi

İmişlidə 33 milyon manatlıq zavod istifadəyə verildi

“Carlsberg Azerbaijan” pivə zavoduna da xammal satışı həyata keçirən müəssisə Cənubi Qafqazda pivəlik arpa səmənisinin emalı üzrə ixtisaslaşmış ilk müasir istehsal obyektidir

İmişlidə 33 milyon manatlıq zavod istifadəyə verildi

Azərbaycan Respublikasının Prezidenti İlham Əliyev oktyabrın 28-də İmişlidə “Promalt” Məhdud Məsuliyyətli Cəmiyyətinin (MMC) arpa emalı müəssisəsinin açılışında iştirak edib.

Müəssisədə pivə istehsalında əsas xammal hesab olunan arpanın xüsusi proseslərdən keçərək mayalanma və fermentasiya üçün hazır vəziyyətə gətirilməsi ilə əldə edilən məhsul - malt istehsal olunacaq. İsveçrənin “Bühler GmbH” şirkətinin müasir texnologiyası əsasında hazırlanmış avadanlıqla təchiz olunan və emal prosesi tam avtomatlaşdırılan müəssisədə ildə 11 min ton arpa istehsal ediləcək.

VTB-də yüksək depozit faizləri daha çox qazandırır

Müəssisənin investisiya dəyəri 33,2 milyon manatdır.

Qeyd edək ki, İqtisadiyyat Nazirliyinin tabeliyində Azərbaycan Biznesinin İnkişafı Fondu, “Azərşəkər” MMC və “Azərsun Holdinq” MMC-nin tərəfdaşlığı əsasında həyata keçirilən layihəyə dövlətin investisiya təşviqi mexanizmi çərçivəsində vergi və gömrük güzəştləri ilə dəstək göstərilib. “Carlsberg Azerbaijan” pivə zavoduna da xammal satışı həyata keçirən müəssisə Cənubi Qafqazda pivəlik arpa səmənisinin emalı üzrə ixtisaslaşmış ilk müasir istehsal obyektidir. Layihə regionda aqrar-sənaye inteqrasiyasını gücləndirməklə yanaşı, texnoloji modernləşmə, daxili bazarın dayanıqlı xammal təminatı, istehsalın lokallaşdırılması baxımından mühüm əhəmiyyət daşıyır. Burada 47 nəfər işlə təmin olunacaq.

Əlavə edək ki, “Promalt” Məhdud Məsuliyyətli Cəmiyyətinin təsisçilərindən biri "Azersun Holding"dir.

İlham Əliyev Azərbaycan Prezidenti İmişli Promalt MMC arpa emalı malt istehsalı pivə istehsalı Bühler GmbH müasir texnologiya avtomatlaşdırılmış emal illik 11 min ton arpa investisiya dəyəri 33 2 milyon manat Azərbaycan Biznesinin İnkişafı Fondu Azərşəkər MMC Azərsun Holdinq MMC vergi və gömrük güzəştləri Carlsberg Azerbaijan Cənubi Qafqaz aqrar-sənaye inteqrasiyası texnoloji modernləşmə daxili bazar xammal təminatı istehsalın lokallaşdırılması iş yerləri sənaye müəssisəsi region inkişafı.

28.10.2025 12:30

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az