Nvidia-dan süni intellektə 100 milyard dollarlıq yatırım

Nvidia-dan süni intellektə 100 milyard dollarlıq yatırım

Nvidia-dan süni intellektə 100 milyard dollarlıq yatırım

ABŞ-ın çip istehsalçısı Nvidia, süni intellekt söhbət botu ChatGPT-nin yaradıcısı OpenAI şirkətilə qurduğu strateji tərəfdaşlıq çərçivəsində şirkətə 100 milyard dollara qədər sərmayə yatıracağını açıqlayıb.

Marja xəbər verir ki, Nvidia-nın yaydığı məlumatda, OpenAI-ın növbəti nəsil modellərini təlimləndirmək və işlətmək üçün ən azı 10 giqavattlıq Nvidia sisteminin istifadəyə veriləcəyini nəzərdə tutan strateji tərəfdaşlıq üçün niyyət protokolunun imzalandığı bildirilib.

VTB-də minimal faiz dərəcəsi ilə nağd kredit 9.9%-dən

Məlumata görə, məlumat mərkəzi və enerji tutumunu dəstəkləmək üçün Nvidia-nın sistemləri mərhələli şəkildə işə düşdükcə OpenAI şirkətinə 100 milyard dollara qədər sərmayə qoyulacaq. İlk mərhələnin isə 2026-cı ilin ikinci yarısında fəaliyyətə başlaması planlaşdırılır.

Açıqlamada, OpenAI-ın süni intellekt böyümə planlarında Nvidia-nı üstünlük verilən strateji tərəfdaş olacağı, həmçinin iki şirkətin proqram təminatı üzrə yol xəritələrini uyğunlaşdıracağı vurğulanıb.

Bu əməkdaşlığın Microsoft, Oracle, SoftBank və Stargate kimi tərəfdaşlarla mövcud əməkdaşlıqları tamamlayacağı və insanlığın xeyrinə ümumi süni intellekt inkişaf etdirmək missiyasına xidmət edəcəyi qeyd olunub.

Nvidia və OpenAI strateji tərəfdaşlığın yeni mərhələsinə dair detalları yaxın həftələrdə açıqlayacaq.

Nvidia-nın baş icraçı direktoru Censen Huanq mövzu ilə bağlı açıqlamasında:

“Nvidia və OpenAI 10 ildir bir-birini irəli aparır. ChatGPT-dən sonra gəldiyimiz nöqtə indi 10 giqavattlıq infrastrukturla yeni bir zəka dövrünü başlayacaq”,- deyib.

OpenAI-nın baş direktoru Sam Altman isə bildirib:

“Gələcəyin iqtisadiyyatının əsası hesablama infrastrukturudur. Nvidia ilə həm yeni irəliləyişlər əldə edəcək, həm də bunları geniş miqyasda insanlara və müəssisələrə çatdıracağıq”.

İş elanları AzVak.az-da

24.09.2025 08:55