SOCAR dünyanın ən böyük daşıma şirkətilə saziş imzaladı

SOCAR dünyanın ən böyük daşıma şirkətilə saziş imzaladı

Razılaşmaya əsasən, MSC-nin törəmə şirkəti və qlobal terminal operatoru “Terminal Investment Limited” (TIL) “SOCAR Terminalı”nda səhmdar olacaq.

SOCAR dünyanın ən böyük daşıma şirkətilə saziş imzaladı

SOCAR ilə dünyanın ən böyük daşıma şirkəti olan MSC (Mediterranean Shipping Company) arasında strateji əməkdaşlığa dair saziş imzalanıb.

Marja xəbər verir ki, Bakıda keçirilən imzalama mərasimində tərəflər Egey bölgəsinin ən böyük konteyner limanı olan “SOCAR Terminalı”nda birgə investisiyalar vasitəsilə Türkiyənin qlobal təchizat zəncirində mövqeyini gücləndirməyi hədəfləyirlər.

VTB-də yüksək depozit faizləri daha çox qazandırır

Razılaşmaya əsasən, MSC-nin törəmə şirkəti və qlobal terminal operatoru “Terminal Investment Limited” (TIL) “SOCAR Terminalı”nda səhmdar olacaq.

Əməkdaşlıq “SOCAR Terminalı”nın TIL-in geniş qlobal şəbəkəsinə inteqrasiyasını təmin edəcək. Yeni avadanlıq və texnoloji sərmayələr nəticəsində terminal mövcud gücünü artıracaq, əməliyyat səmərəliliyini yüksəldəcək, rəqəmsallaşma, dayanıqlılıq və infrastruktur inkişafı sahəsində mühüm nailiyyətlər əldə edəcək.

Egey bölgəsinin ən böyük konteyner terminalı olan “SOCAR Terminal” 700 metrlik fasiləsiz körpü, 16 metrlik dərinlik, 420 min m² liman ərazisi və 30 min m² arxa sahəsi ilə həm regional, həm də qlobal ticarət üçün strateji əhəmiyyət daşıyır. ULCS sinifli yeni nəsil iri gəmiləri qəbul etmək imkanına malik olan terminal eyni anda bir neçə əsas gəmini sürətli şəkildə idarə edərək gözləmə müddətlərini minimuma endirir.

“Gələcəyin limanı” konsepsiyası ilə fəaliyyət göstərən “SOCAR Terminal” ən yüksək əmək mühafizəsi və təhlükəsizlik standartlarını tətbiq edir, rəqəmsallaşma və texnologiyaya qoyulan sərmayələrlə sənayedə qabaqcıl mövqeyini qoruyur. Bununla yanaşı, karbon izinin azaldılması, bərpa olunan enerji mənbələrinə sərmayə yatırılması və enerji səmərəliliyinin artırılması ilə dayanıqlı biznes modeli qurur.

İş axtarmaq heç vaxt bu qədər həyəcanlı olmayıb! Hər gün yeni vakansiyalar, maaşı yüksək, etibarlı elanlar - AzVak.az-da. İndi bax, fürsəti qaçırma!

socar msc mediterraneanshippingcompany til terminalinvestmentlimited socarterminal egeybölgəsi konteynerterminalı liman strategiə əməkdaşlıq qlobaltəchisatzənciri investisiya logistika dənizdaşımaları portidarəçiliyi rəqəmsallaşma dayanıqlılıq infrastrukturinkişafı ulcsgəmilər bakımərasimi türkiyəiqtisadiyyatı karbonizi bərpaolunanenerji enerjisəmərəli

16.09.2025 10:23